बुधवार, 27 जुलाई 2016

अफगानिस्तानमा विदेशीले भने, ‘गोर्खा नभए आनन्दले निन्द्रा लाग्दैन’

असार ६ गते तालिवानको आक्रमणमा काबुलस्थित क्यानडेली दूतावासको सुरक्षामा खटिएका १३ नेपालीको ज्यान गएको थियो । यसपछिको अवस्थाबारे बुझ्न श्रमको टोली काबुल पुगेको हो । क्यानडेली दूतावासले नेपालीहरूको बसोबास र आवतजावतमा गरेको हेलचेक्र्याइँले गोर्खाको मनोबलमा असर परेको भन्दै त्यसमा सुधार गर्न तयार रहेको उनीहरूले बताएका हुन् ।
अफगानिस्तानका लागि क्यानडाका राजदूत डेवोरा ल्योन्सले त्यो घटनाले आफूहरू विचलित भएको भन्दै सबै क्षेत्रको सुधारमा लागेको बताएका थिए । नेपालीहरूले पाउने क्षतिपूर्ति र अरू सुविधाबारे पनि छलफल भइरहेको उनले टोलीलाई बताएका थिए । तर, काबुलमा मारिएका १३ नेपालीलाई क्षतिपूर्ति दिने विषयमा भने क्यानडा अहिलेसम्म मौन छ ।

बागलुङको पहिरोमा मृतकको संख्या ६ पुग्यो

बाघलुंग, श्रावण १२ - अविरल बर्षाले छुट्टाछुट्टै स्थानमा मंगलबार घर भत्किदाँ पुरिएर मृत्यु हुनेको संख्या ६ पुगेको छ । एकै घरका ३ जना सहित ६ जनाको मृत्यु भएको हो । मृत्यु हुनेहरुमा दर्लिङ ३ की ४१ बर्षीया देवी बुढामगर, उनकी छोरी १८ वर्षीया यमुना र ९ वर्षीया छोरा सन्दिप रहेका छन् । त्यसै गरी दर्लिङ ९ का ७८ वर्षीया डेकबहादुर पुनमगर, राजकुत ७ की ८ वर्षीया बालिका दुजी तामाङ र उनकी दिदी पर्ने २२ वर्षीया डिकी तामाङको मृत्यु भएको प्रहरी उपरीक्षक चक्रबहादुर सिंहले बताए । अन्यको मंगलबार नै र देवी र उनका छोरा सन्दिपको बुधबार शव फेला परेको उनले बताए ।
मृतक बालिकाकी आमा सुशिला पहिरोले च्यापिएर गम्भिर घाइते छिन् । ८ महिनाको गर्भवती समेत रहेकी घाईते सुशिलाको बुर्तिबाङ प्राथमिक उपचार केन्द्रमा उपचार हुन नसकेपछि थप उपचारको लागि सेनाको हेलिकप्टरबाट बुधबार शिक्षण अस्पताल काठमाडौं पठाईएको प्रमुख जिल्ला अधिकारी भागिरथ पाण्डेले बताए ।
पहिरोले मध्य पहाडी लोकमार्ग पूर्ण रुपमा अवरुद्व गरेपछि पहिरो प्रभावित क्षेत्रहरु दर्लिङ, राजकुत, अधिकारी चौर, बुर्तिबाङ, भिमगोठे र ग्वालीचौर लगायतका पहिरो पिडित संकटमा रहेको प्रजिअ पाण्डेले बताए । तत्कालको लागि बुधबार सेनाको हेलिकप्टरमार्फत ५४ थान त्रिपाल, ४ बोरा चाउचाउ, चिउरा र विस्कुट लगायतको खाद्यान्न पठाएर उद्वार गरिएको प्रजिअ पाण्डेले जानकारी दिए ।

पाल्पामा पहिरोले घर पुरिदा एकै घरका ३ सहित चार जनाको मृत्यु

पाल्पा, श्रावण १२ -अबिरल बर्षा संगै पहिरोले घर पुरिदा पाल्पामा एकै घरका तीन सहित ४ जनाको ज्यान गएको छ । पुर्बी पाल्पाको गोठाडी ५ हात्तीलुङ्ग निरको डमारमा ताम बहादुर कनौजे मगरको घर पहिरोेले पुरिदा ४५ बर्षिय ताम बहादुर , उनका श्रीमती खगीसरा र १० बर्षिया छोरी यसोधाको ज्यान गएको जिल्ला प्रहरी कार्यालय पाल्पाले जनाएको छ ।
यस्तै मंगलबार बिहानै दोभान ५ झुम्सामा  पहिरोले ७ घर पुरिदा तिलोत्तमा उच्च माबिको कक्षा ९ मा पढ्ने अस्मिता बिकको ज्यान गएको हो ।  घर भित्रै पुरिएको अवस्थामा अस्मिताको शब स्थानियको सहयोगमा प्रहरीले निकालेको दोभान प्रहरी चौकीले जानकारी दिएको छ । दलित बस्ती रहेको पानीमिल क्षेत्रमा बिहान पौने ५ बजे नै पहिरो आएपछि भागदौड मच्चिएको थियो । अन्य मानविय क्षति भने नभएको जिल्ला प्रहरी कार्यालय पाल्पाले जनाएको छ ।  पहिरोले झण्डै शय मिटर जति बाटो ढुंगा र माटोले पुरिएपछि सिद्धार्थ राजमार्गको बुटवल पाल्पाको बाटो अवरुद्ध भएको छ । स्थानिय र प्रहरीले पुरिएका घरका सरसामान निकाल्ने प्रयास गरिरहेका छन् ।

मंगलवार, 26 जुलाई 2016

कालिगण्डकी नदिमा पांच दशक यताकै ठुलो बाढी, नदि किनारा बस्ति बाढीको चपेटमा

खडक लाफा , कारिकोट श्रावण ११ - गुल्मिको रुद्रबेनीको बदिघाट खोला रुद्रबेनीको पक्की पुल सम्म आएकोछ। बदिगाड खोलाको पानीले रुद्रबेनी बजार जलम्य देखिन्छ।बिगत २०१८ साल पछि कै उच्च बाढीभएको बुदापाका बताउछन।
उर्ल्ली खोलाको बस्ती पुरै दुबानमा परेकोछ।देउपाटन बजार लाई पनि कालिगन्दकीले घेरबन्दी नदि आसपासमा उच्च जोखिम भएकोछ। त्यस्तै गुल्मीको चोरकाटे बजार ,उर्ल्लिखोला बजार लगायत खोला किनाराका सबै बस्तिहरु बाढीको चपेटमा परेको खबर छ।यस्तै पर्बत,स्याङ्जा ,र गुल्मीको सेतिबेनी बजारमा पनि बाढीको चपेटमा परेको समाचार जानकारी हुनआएको छ । प्राप्त जानकारी अनुसार सेतीबेनीका १० घर डुबानमा परेकोछ। साथै पिडितहरुलाई सुरक्षित स्थानमा सारिएकोछ बर्षा निरन्तर भएकोले थप क्षेती हुन सक्ने संभावना बढेको छ। स्थानिय प्रसाशन ले सतर्क रहन स्थानिय सन्चार माध्यम बाट सुचना गरिरहेको छ ।
यस्तै रिडि खोलामा पनि पानीको बहाब बध्दै गयको छ। रिडिमा बिहान २ बजे तिरबाट भीषण बाढी आउदा रिडी बगर क्षेत्रमा रहेका तीन वटा घर टहराहरु बगाएको छ। केही घण्टाको समयमै कालिगण्डकीको सतह बढे पछी ती घर टहराहरु बगेका हुन। अहिले रिडि बजारका स्थानिय मानिसहरु उद्धारका लागि जुटिरहेका छन। होटल ब्यबसायी यम नारायण भण्डारिको होटललाई बगाउने प्रयास भइ रहेको हुदा त्यहाँ उद्धारको कार्य जारी रहेको छ। थप क्षेतीको विवरण आउन बाकी।
तस्बिर सौजन्य : सुन्दर कसजू (रूरू नेटवर्क रिडी) 

शुक्रवार, 15 जुलाई 2016

अविश्वास प्रस्तावको सामना गर्ने सरकारको निर्णय

PM-Office-of-Nepal३१ असार, काठमाडौं । मन्त्रिपरिषदको बैठकले सरकारविरुद्ध संसदमा पेश भएको अविश्वासको प्रस्तावको सामना गर्ने निर्णय गरेको छ । सरकारको प्रमुख घटक नेकपा माओवादी केन्द्रले समर्थन फिर्ता लिएपछि शुक्रबार मन्त्रिपरिषद बैठक बसेको थियो । बैठकमा विकसित पछिल्लो राजनीतिक घटनाक्रमबारे छलफल भएको छ ।
मन्त्रिपरिषद बैठकले अहिलेको परिस्थितिको संवैधानिक व्यवस्थाअनुसार सामना गरेर अघि बढ्ने निर्णय गरेको सरकार प्रवक्ता शेरधन राईले जानकारी दिए ।मन्त्रिपरिषद बैठकले आदित्य प्रतिष्ठानलाई एक करोड रुपैयाँ दिने तथा लगानी बोर्डको सदस्यमा भवानी राणा र राजेशकाजी श्रेष्ठलाई नियुक्त गर्ने निर्णय पनि गरेको छ । बैठकले बाँकेबाट लिएको चार भारतीयको नागरिकता खारेज गरेको छ भने नागरिकता दिनेमाथि छानविन गर्ने निर्णय गरेको छ ।

यी पाँच कार्यालयमा काम गर्ने कर्मचारीले पाउनेछन् ५० प्रतिशतसम्म प्रोत्साहन भत्ता

३१ असार, काठमाडौ । सरकारले विभिन्न पाँचवटा निकायमा कार्यरत कर्मचारीलाई कार्यसम्पादन सूचकांकका आधारमा ५० प्रतिशतसम्म प्रोत्साहन भत्ता दिने भएको छ । राष्ट्रपतिको कार्यालय, उपराष्ट्रपतिको कार्यालय, सार्वजनिक खरिद अनुगमन कार्यालय, राष्ट्रिय सर्तकर्ता केन्द्र र पुनःनिर्माण प्राधिकरणका कर्मचारीलाई प्रोत्साहन भत्ता दिने भएको हो ।
Karmachariती निकायका कर्मचारीले उनीहरुले गरेको कामको मूल्यांकनका आधारमा तलबको ५० प्रतिशतसम्म भत्ता पाउँछन् । तर, ती निकायमै काम गरे पनि कार्यसम्पादन मूल्यांकनमा कमजोर अंक पाउने कर्मचारीले त्यस्तो प्रोत्साहन भत्ता पाउँदैनन् ।
यस्तै गाउँ विकास समितिका सचिवहरुले समेत ५० प्रतिशतसम्म प्रोत्साहन भत्ता पाउनेछन् । उनीहरुले पनि कार्यसम्पादन मूल्यांकनमा प्राप्त अंकको सूचकांक अनुसार प्रोत्साहन भत्ता पाउँछन् ।
अन्य कार्यालयका कर्मचारी हेरेको हेर्यै
यसअघि सरकारले राष्ट्रपतिको कार्यालय, उपराष्ट्रपतिको कार्यालय, प्रधानमन्त्रीको कार्यालय, सर्तकर्ता केन्द्रको कार्यालय र सार्वजनिक खरिद अनुगमन कार्यालयलाई दिँदै आएको प्रोत्साहन भत्ता रोक्ने बताएको थियो । तर अहिले कर्मचारीको दबावपछि सरकारले भत्ता दिने निर्णय गरेको हो ।
पाँच निकायबाहेक अरु थुप्रै कार्यालयहरु छन्, जसले ती निकायमा भन्दा जटिल कार्यसम्पादन गर्नुपर्छ । जस्तै यातायात विभाग, मालपोत कार्यालय, स्थानीय निकायहरु आदि । तर, ती निकायहरुका लागि भने सरकारले यस्तो व्यवस्था नगर्ने गरेको भन्दै कर्मचारीहरुवीच मतभेद बढ्ने गरेको छ ।

आदित्य संरक्षण प्रतिष्ठानलाई एक करोड दिने सरकारको निर्णय

आदित्य दाहाल
aditya (1)३१ असार, काठमाडौं । सरकारले आदित्य संरक्षण प्रतिष्ठानलाई एक करोड रुपैयाँ दिने निर्णय गरेको छ ।
मन्त्रिपरिषदको शुक्रबार बसेको बैठकले प्रतिष्ठानको सवारी साधन, आवास र साधनाका लागि आवश्यक भौतिक पूर्वाधार निर्माणका लागि रकम दिने निर्णय गरेको हो ।
‘गुगल ब्वाई’ भनेर चिनिने आदित्य दाहालको संरक्षणका लागि भन्दै उनको नाममा आदित्य संरक्षण प्रतिष्ठान स्थापना भएको छ ।
को हुन् आदित्य दाहाल ?
बोल्न तथा हिँडडुल गर्न नसक्ने तर विलक्षण क्षमताका धनी बालक हुन् आदित्य । कहिल्यै विद्यालय नगएका उनी जस्तोसुकै प्रश्नको जवाफ लेखेर दिने गर्छन् ।
आदित्यले गरेका केही ठूला भविष्यवाणी कालान्तरमा सत्य सावित भएका छन् । सुशील कोइरालापछि केपी शर्मा ओली प्रधानमन्त्री बन्ने र २०७२ सालभित्रमा संविधान जारी हुने भविष्यवाणी उनले पहिल्यै गरेका थिए ।
सुरुमा आदित्य अरु बालक झैं सामान्य थिए । ३३ महिनाको उमेरदेखि उनी विस्तारै हिँडडुल गर्न र बोल्न नसक्ने भए । त्यससँगै आदित्यमा हरेक प्रश्नको जवाफ लेखेर दिन सक्ने क्षमता पैदा भयो । उनले थुप्रै सामाजिक हितकारी सन्देशहरु पनि लेख्दैआएकाछन्। सुशील कोइरालाको सरकारले गरेको आर्थिक सहयोगमा आदित्यलाई अमेरिकाको स्ट्याण्डफोर्ड अस्पतालमा लगेर उपचार गरिएको थियो । तर उनको शारीरिक स्वास्थ्यमा खासै सुधार आउन सकेन ।

शनिवार, 2 जुलाई 2016

अबिरल बर्षाका कारण रिडि हेल्थ सेन्टर को पर्खाल भत्कियो।

रूरू नेटवर्क रिडी,आषाढ१८। दुई दिन देखिको अबिरल बर्षाका कारण रिडि हेल्थ सेन्टरको सुरक्षाका लागि लगाइएको मेशिनरी पर्खाल आज भत्किएको छ। निर्माणको केही महिना मात्र बितेको यो पर्खाल निकै कम्जोर ढाँचा तथा गुणस्तरमा बनाइएका कारन दुई दिनको सामन्य बर्षामा पल्टिएको हो। केही दिन अघि नै यो पर्खाल ढल्की सकेको थियो। धराप जस्तै बनेको यो पर्खाल ढल्दा कुनै मानबिय क्षति भने गरेन। यति चादै यो पर्खाल भत्किनु लाई ठेकेदारको लापरबाही मानिएको छ।

बझाङमा बिहान दुई पटक भूकम्पको धक्का

१८ असार, बैतडी । सुदूरपश्चिमको पहाडी जिल्ला बझाङमा आज बिहानै लगातार दुई पटक भूकम्पको धक्का महसुुस गरिएको छ । भूकम्प मापन केन्द्र सुुर्खेतका टेक्निकल असिस्टेन्ट कपिल महर्जनका अनुसार पहिलो आज बिहान ६ बजेर ८ मिनेटमा ४ दशमलव ४ रिक्टर स्केलको र ६ बजेर ३२ मिनेटमा ३ दशमलव २ रिक्टर स्केलको भूकम्प गएको हो । दुईवटै भूकम्पको केन्द्रबिन्दु बझाङको सदरमुकाम चैनपुरबाट ११ किलोमिटर उत्तर पूर्व मयाना भन्ने स्थानमा रहेको समेत भूकम्प मापन केन्द्रका महर्जनले जानकारी दिए ।
त्यही ठाउँमा केन्द्रबिन्दु बनाएर यही असार १५ र १६ गते गरेर २१ पटक भूकम्पको धक्का महसुस गरिएको थियो । भूकम्प गएपछि स्थानीयवासी घर बाहिर र खुला ठाउँमा जम्मा भएका छन् । जिल्ला प्रहरी कार्यालय बझाङका प्रहरी नायब उपरीक्षकले नरेन्द्र चन्दले भूकम्पले क्षति पुर्यायो भन्ने अहिलेसम्म कुनै जानकारी नआएको र सबै ठाउँमा सम्पर्क गरी भूकम्पको क्षतिबारे सङ्कलन भइरहेकाे उनले जानकारी दिए ।  

कालीगण्डकी नदीमा आएको बाढीले निर्माणाधिन पुल बगायो

१८ असार, नवलपरासी ।  कालीगण्डकी नदीमा आएको बाढीले नवलपरासी र तनहु जोड्ने निर्माणाधिन पुल बगाएको छ । गएराति नदीमा पानीको बहाव बढेर आउँदा निर्माणाधीन पुलको आधा भाग बगाएको इलाका प्रहरी कार्यालय डेढगाउँका प्रहरी नावय निरीक्षक खेम विसीले बताए । तीन दिन देखि लगातार आएको पानीले नदीमो आएको बाढीको कारण कालीगण्डकी डेढगाउँ पुल बगाएको हो । स्थानीय बासिन्दाले ठेकेदारले बेलामा काम नसक्दा नदीले पुलको आधा भाग बगाएको जनाएको छ ।
बाढीले नवलपरासीतर्फको भाग बगाएको छ । बन्दै गरेको अवस्थाको उक्त पुल ३ भागको लगभग एक भाग बगाइदिएको प्रहरी नावय निरीक्षक खेम विसीले बताए । तनहू र नवलपरासी जोड्ने गरी बनाएको उक्त पुल निर्माण सम्पन्न भएपछि नवलपरासीको दलदलेबाट डेढगाउं हुंदै तनहूको भिमाद पोखरा जोड्ने पहाडी मार्ग पूर्ण रुपमा सञ्चालनमा आउने थियो । उक्त क्षेत्रमा नदी वारपार गर्नका लागि अहिले झलुङ्गे पुलको साहारामा स्थानीयले नदी पार गर्ने गर्दछन् ।

ढाका घटना : बन्धक बनाइएका २० जनाको हत्या

असार १८ - बंगलादेशको ढाकास्थित एक रेष्टुरेन्टमा बन्धक बनाइएका २० जनाको हत्या भएको सरकारले जनाएको छ । शुक्रबार बन्धुकधारीको समूहले रेष्टुरेन्ट छिरेर ग्राहकहरुलाई बन्धक बनाएका थिए ।
इस्लामिक स्टेटले घटनाको जिम्मेवारी लिएको छ । ढाकास्थित होले आर्टिसन बेकरी क्याफेमा बन्धुकधारी छिरेर नियन्त्रणमा लिएको १२ घण्टापछि ढाका प्रहरीले कारबाही थालेको थियो । बन्धक बनाउनेमध्ये ६ जनाको मृत्यु भएको र एक जनालाई नियन्त्रणमा लिइएको सरकार प्रवक्ताले जनाएका छन् ।
बन्धक बनाइएकामध्ये केही जापानी र श्रीलंकाली नागरिक थिए । बन्धकमा पर्नेहरुमध्ये अधिकांश मुस्लिम हुन् र उनीहरु रमजान ब्रत तोड्न रेष्टुरेन्टमा भेला भएका थिए । बंगलादेशी प्रधानमन्त्री शेख हसिना वाजेदले घटनालाई घृणित भनी टिप्पणी गरेकी छन् । ‘आक्रमणकारीहरु कस्ता मुस्लिम हुन् ? उनीहरुको कुनै धर्म छैन्,' प्रधानमन्त्रीले भनिन्,‘सरकार बंगलादेशबाट आतंकवाद सिध्याउन प्रतिबद्ध छ । ’
आर्मी ब्रिगेडियर जेनेरल नाइम असरफ चौधरीका अनुसार बन्धक बनाइएकामध्ये १३ जनालाई सुरक्षाकर्मीले उद्दार गरेको छ । तिमध्ये एक जापानी नागरिक र दुई श्रीलंकाली नागरिक छन् । चौधरीले बन्धक बनाइएकाहरुलाई धारिलो हतियार प्रयोग गरेर हत्या गरिएको जानकारी दिएका छन् ।
बंगलबादेशबाट प्रकाशित हुने डेजी स्टार पत्रिकाका अनुसार बन्धुकधारीहरुले बन्धक बनाइएकाहरुलाई कुरान श्लोक भन्न लगाएका थिए । श्लोक भन्न नसक्नेहरुलाई उनीहरुले यातना दिएको पत्रिकाले लेखेको छ ।
बन्धुकधारीले बंगलादेशी नागरिकलाई मात्रै खानेकुरा दिएका थिए, डेली स्टारले लेखेको छ ।
बन्धुकधारीले रेष्टुरेन्ट नियन्त्रणमा लिने क्रममा भित्रै रहेका सुपरभाइजर सुमोन रेजाले उनी छतमा चढेर त्यहाँबाट भागेको बताए ।
‘उनीहरुले बिष्फोट गराउँदा पूरै भवन हल्लिएको थियो,' उनलाई उद्दृत गर्दै बंगलादेशका मिडियाले लेखेका छन् । उनले आफू छतबाट हाम्फालेर भागेको बताए ।

गुरुवार, 23 जून 2016

भारतमा चट्याङबाट ८० को मृत्यु

नयाँ दिल्ली, ९ असार । भारतमा गत दुई दिनयता भारी बर्षापछि परेको चट्याङमा परी कम्तीमा ८० व्यक्तिको मृत्यु भएको एक वरिष्ठ अधिकारीले बुधबार जानकारी दिएका छन् । यस चट्याङबाट गत सोमबार यता पूर्वी राज्य विहार, झारखण्ड र उत्तरी राज्य उत्तर प्रदेशका व्यक्तिहरुले ज्यान गुमाएका जनाइएको छ । यस प्राकृतिक प्रकोपमा परी बिहारमा ५३, झारखण्डमा १० र उत्तर प्रदेशमा १७ व्यक्तिको मृत्यु भएको जनाइएको छ ।
चट्याङ् परी यसरी मारिनेमा प्रायः खेतमा कामगर्ने कृषकहरु रहेका अधिकारहरुले जानकारी दिएका छन् ।
भारतमा प्रत्येक बर्ष जुनदेखि सेप्टेम्बरसम्म पर्ने मनसुनी बर्षाको मौसममा बारम्बार चट्याङ पर्ने गरेको पाइन्छ । यस चट्याङ्मा प्रत्येक बर्ष दर्जनौँ व्यक्तिले ज्यान गुमाउने गरेका छन् । रासस/सिन्ह्वा

नेविसंघको कार्यक्रमस्थलमै कुटाकुट

Nebisangh९ असार, काठमाडौं । लामो समयदेखि स्थगित महाधिवेशन गर्ने तयारी सुरु भएसँगै विद्यानेपाल र्थी संघमा दुई पक्षबीच विवाद पनि बढ्न थालेको छ । बुधबार बागबजारमा भएको एक कार्यक्रममा दुई पक्षबीच हानाहान नै भएको छ ।
नेविसंघले नै आयोजना गरेको शिक्षासम्बन्धी अन्तक्रियालाई सम्बोधन गरेर प्रमुख अतिथि रहेका रामचन्द्र पौडेल फर्किएलगत्तै दुई पक्षबीच विवाद सुरु भएको थियो । विवाद बढ्दै जाँदा हानाहान भएपछि नेविसंघ केन्द्रीय सदस्य इन्दु शर्मा सामान्य घाइते भएका  आजको नयाँ पत्रिकामा समाचार छ ।
नेविसंघले ११औँ राष्ट्रिय महाधिवेशनका लागि आठौँपटक प्रयास गरेको छ । तर, प्रतिनिधिहरू फर्जी भएको भन्दै एउटा समूहले विरोध जनाइरहेको छ । पूर्व प्रचार विभाग प्रमुख रामप्रसाद अधिकारीले सात–आठ सय फर्जी प्रतिनिधि बताइएको भन्दै खारेजीको माग गरे । नेविसंघको वर्तमान नेतृत्वले ६४ जिल्लामा अधिवेशन सम्पन्न भइसकेको र त्यहाँबाट प्रतिनिधि चयन भइसकेको जनाएको छ ।