१० चैत, सल्यान । जिल्ला विकासका सूचना अधिकृतलाई कुटेर विवादमा आएका एमाले नेता लोकबहादुर डाँगीलाई जिल्ला प्रहरी कार्यालयको हिरासतमा राखिएको छ । आइतबार जिल्ला विकास समितिका सूचना अधिकृत पूर्णबहादुर वलीलाई कुटेका डाँगीलाई हिजो जिल्ला प्रहरी कार्यालयले प्रहरी हिरासतमा राखेको हो ।
हिजो बेलुका देखि जिल्ला प्रहरी कार्यालयमा राखिएको जिल्ला प्रहरी कार्यालय सल्यानका प्रहरी नायव उपरिक्षक श्यामबहादुर खत्रीले जानकारी दिए ।
सरकारवादी मुद्धा भएका कारण उनको मुद्दा सरबारी वकिलले हेर्न व्यवस्था छ । सरकारी वकिल नआउँदा सम्म उनलाई हिरासतमा राख्न म्याद थप हुने प्रमुख जिल्ला अधिकारी गोविन्द रिजालले जानकारी दिए ।
जिल्ला विकास समितिले वितरण गरेको यूनिसेफको सरसफाई सम्बन्धी कार्यक्रमको वितरणमा जिविसका सूचना अधिकृत वलीले मनोमानी गरेको आरोपमा डाँगीले कुटेका थिए । २ वटा संस्था संचालनमा ल्याएका लोकबहादुरले आफ्नो संस्थालाई कार्यक्रम नदिएको झोकमा कर्मचारीलाई हातपात गरेको पीडितको आरोप छ ।
कोई टिप्पणी नहीं:
एक टिप्पणी भेजें