बम लामिछाने मगर चैत - १०, ( कालीपार अनलाइन ) "भाषा कला संस्कृतिको संरक्षण र सम्बर्दन , मगर जातिको पहिचानको प्रबर्द्धन " भन्ने मूल नाराको साथमा आयोजना गरिएको ५ औ जिउमामा प्रतियोगिता हिजो लसर्घा बेसि स्याङ्जामा सम्पन्न भएको छ। आलमदेवी बहुउद्देश्यीय ग्रामीण सेवा परिवार प्रमुख आयोजक र आदिवासी जनजाति महा संघ आलमदेवी स्याङ्जाको सह आयोजक रहेको प्रतियोगितामा जम्मा ५ वटा समूहले सहभागीता जनाएका थिए।
सहभागीहरु मध्ये बाट प्रथम स्थान समाजसेवी आमा समूह , दित्तिय स्थान संजिवनी गाहाथर र तृतीय स्थान जनहित इकाई समिती धेम्थोकको समूहले प्राप्त गर्न सफल भएका थिए। प्रथम स्थान प्राप्त गर्न सफल समासेवी आमा समूहलाई रु १६,००० पुरस्कर स्वरुप प्रदान गरिएको थियो।दित्तिय स्थान हासिल गर्न सफल समूह संजिवनी गाहा थरलाई रु १२,००० र तृतीय स्थान हासिल गर्न सफल समूह जनहित इकाई समिती धेम्थोकको समूहलाई रु ८,००० पुरस्कार स्वरुप प्रदान गरिएको थियो। प्रतियोगितामा सहभागी अन्य दुई समूहहरुलाइ पनि प्रोत्साहन स्वरुप रु ५ - ५ हजार प्रदान गरिएको थियो। पश्चिमी संस्कृतिको प्रभावले गर्दा मगर समुदायको महान चाड यौनाटको अवसरमा खेलिने जिउमामा खेलको अस्तित्व संकटमा परेको देखिएको छ ।जिउमामा खेल बिशेष गरि स्याङ्जा जिल्लाको बिर्घा , आलम देवी र चण्डी भञ्ज्याङ् , पाल्पाको बौघा गुम्बा र गुल्मीको यक्सिङ र लिम्घा लगायतका क्षेत्र हरुमा खेलिदै आइएको छ ।यो खेलको अस्तित्व संकटमा परेकोले बिगत पाँच बर्ष देखि संरक्षण र प्रबर्द्धनको लागि जिउमामा प्रतियोगिता आयोजना गरिदै आइएको छ।
कार्यक्रममा प्रमुख अतिथि नेपाली कङ्ग्रेस स्याङ्जाका सभापति श्री वीर बहादुर राना रहनु भएको थियो भने बिशिष्ट अतिथिको स्याङ्जा जिल्ला मगर संघका सल्लाहकार तथा जिल्ला बिकस समिती संयन्त्र सदस्य श्री बम लामिछाने मगर रहनु भएको थियो। कारीकोट चण्डी भञ्ज्याङ्का निबर्तमान गाबिस अध्यक्ष कृष्ण लामिछने मगर , आलमदेवी गाबिसका पूर्व अध्यक्ष नर बहादुर राना , नेपाल मगर चलचित्र महासंघ केन्द्रिय सचीव भिम बहादुर राना लगयतका महानुभाबहरुको उपस्तिथि रहेको थियो। कार्यक्रममा सभापती क्लबका अध्यक्ष भुवन सिंह राना थिए भने कार्यक्रमको संन्चालन क्लबका सचिब सुभाष थापाले गर्नु भएको थियो।
कोई टिप्पणी नहीं:
एक टिप्पणी भेजें