मंसिर १९ । अष्ट्रेलियाको विभिन्न शहरमा बसोबास गर्दै आएका नेपालीहरुले मधेश आन्दोलनप्रति समर्थन जनाउँदै आन्दोलनको क्रममा भएका मानव अधिकारको हननको विरुद्धमा अष्ट्रेलियाको संसद भवन अगडि प्रदर्शन गरेका छन् ।अष्ट्रेलियामा बसोबास गर्दै आएका नेपालीहरुको विभिन्न संघ संस्थाको आयोजनामा भएको सो कार्यक्रम १२:०० बजे शुरु भइ १४:०० बजे सम्पन्न भएको थियो । सो कार्यक्रममा वक्ताहरुले मधेसमा भैरहेको आन्दोलनप्रति सरकार गम्भीर नरहेको, आन्दोलनकारीलाई समातेर गोलि हानि मारिएको जस्ता अपराधिक क्रियाकलापमा सरकार लागेकोले सरकारको सो कदम को विरोध गरेका थिए ।
मधेस आन्दोलनको ११३ दिन बितिसक्दा पनि सरकारबाट आन्दोलनरत पक्षसँग वार्ताको कुनै ठोस पहल नभएको र आन्दोलनको क्रममा मानवअधिकारको न्युनतम मापदण्डसमेत पालना नभएको पनाइएकोले मानवअधिकार रक्षाको लागि मानवअधिकारवादी संघ संस्थाहरु संघ जोडदार आवाज उठाउन अनुरोध गरेका छन् ।कार्यक्रममा बोल्दै मधेस, जनजाति, थारु लगायतका विभिन्न समस्याहरु देशको आन्तरिक समस्या भएकोले वार्ताबाट तुरुन्त समाधान गर्न नेपाल सरकारलाई ध्यानाकर्षण गराएका थिए । सो कार्यक्रमपश्चात अष्ट्रेलियन विदेश मन्त्रालय र मानवअधिकारलाई मधेस आन्दोलनबारे मौखिक तथा लिखित जानकारी गराएका थिए ।
कोई टिप्पणी नहीं:
एक टिप्पणी भेजें