आगलागीले क्षति

काठमाडौ, कार्तिक १० - बुधबार सांझ पर्वतको थापाठाना गाविस ७ स्थित दुर्गाबहादुर थापाको घरमा लक्ष्मी पुज्ने क्रममा आगलागि हुँदा डेढ लाख रुपैंया क्षती भएको छ ।
लक्ष्मी पूजा गर्ने समयमा आगलागी हुंदा संगै राखिएको ३० हजार रुपैंया नगद सहित टिभी, आइरन, दराज, खाट लगायतका समान जलेर नष्ट भएको स्थानीय शिक्षक कमल खत्रीले जानकारी दिए ।
लक्ष्मी पुजाका क्रममा बालिएको महिन बत्तीबाट आगलागी भएपनि २० मिनेटमा गाउंलेले आगो नियन्त्रणमा लिएपछि पुरै घर जल्न नपाएको र मानबीय क्षति नभएको शिक्षक खत्रीले टेलीफोन मार्फत जानकारी दिए ।