काठमाडौ, २ कार्तिक। नेपाल र चीनवीच कायम रहेको परम्परागत सम्बन्धलाई अझै प्रगाढ बनाउँदै दुई मुलुकबिचको ब्यापारिक सहितको आर्थिक विकासलाई मुख्य लक्ष्य बनाउँदै नेपाल चीन ब्यापार मैत्री संघ नामको संस्थाको स्थापना भएको छ। लामो समयदेखि चीनसँगको आर्थिक ब्यापारमा संलग्न रहँदै आउनु भएका नेपाल हिमालय सीमापार बाणिज्य संघका संस्थापक अध्यक्ष समेत रहनु भएका दुर्गाबहादुर श्रेष्ठको अध्यक्षतामा मैत्री संघ गठन भएको हो।
नवगठित संघको उपाध्यक्षमा केशबमान श्रेष्ठ, महासचिवमा सुदिपकुमार रेग्मी, कोषाध्यक्षमा महेन्द्र पराजुली र सदस्यहरुमा सुभाष कुमार अग्रवाल, प्रदिपकुमार अग्रवाल र बद्री अधिकारी रहनु भएको छ। त्यसैगरी संघको सल्लाहकारमा भाटभटेनी सुपर मार्केटका अध्यक्ष मिनबहादुर गुरुङ, कालु गुरुङ, आजाद श्रेष्ठ, रामकाजी कोने, स्वरुप कोने, डा. हरिश शाह र रमेशकुमार श्रेष्ठ रहेका छन्।
विश्वबजारमा चिनको बढ्दो प्रभाव र आर्थिक क्षेत्रमा चीनले गरेको प्रगतिबाट नेपालले पनि फाईदा लिनु पर्ने भएकोले त्ससकोलागि दुई मुलुकको आर्थिक क्षेत्रकोसम्बन्ध बढाउन जरुरी रहेकेाले संघ गठन गरेको अध्यक्ष श्रेष्ठले जानकारी दिनुभयो। संघले चीनकोलागानी नेपाल भित्राउने ब्यापारीक र सामाजिक संम्बन्धलाई अझै प्रगाढ बनाउन दुबै मुलुकमा ब्यापार मेला भ्रमण र गोष्टीहरु गर्ने उदेश्य लिएको छ।
कोई टिप्पणी नहीं:
एक टिप्पणी भेजें