बुधवार, 19 अक्टूबर 2011

तुलसीपुरमा बम आतङ्क

दाङ,२ कार्तिक। केही दिनअघि तुलसीपुरको बस टिकट काउन्टरमा फेला परेको बमलाई सेनाले निष्क्रिय पारेको घटना सेलाउन नपाउँदै फेरि मङ्गलबार राति तुलसीपुरमा दुईवटा बम फेला परेका छन्।
तुलसीपुरस्थित बसपार्कमा पार्किङ गरिएका दुईवटा बसलाई लक्ष्यित गरी राखिएका सकेट बमलाई नेपाली सेनाको एक टोलीले राति नै निष्क्रिय पारेको थियो। राप्ती बस व्यवसायी समितिअन्तर्गतका ना।३ ख ८९४५ र ना।३ ख २२३१ नम्बरको बसमुनि फेला परेको बमलाई नेपाली सेनाको १९ नम्बर बाहिनीको टोलीले मङ्गलबार राति पौने ११ बजे निष्क्रिय पारेको इलाका प्रहरी कार्यालय तुलसीपुरका प्रहरी निरीक्षक जीवन बुढाथोकीले जानकारी दिनुभएको छ।
एमसिसी नेपालका विराट नाम बताउने व्यक्तिले बेलुकी कारबाही स्वरुप दुईवटा बसमा बम राखेको भन्दै यहाँका साचारमाध्यमलाई फोन गरी जानकारी गराएका थिए । प्रहरीले घटनामा संलग्न रहेको आशङ्कामा एकजनालाई पक्राउ गरेको छ । रासस

कोई टिप्पणी नहीं: