चियापान समस्या समाधानमा ऐतिहासिक बन्न सक्ने दाहालको भनाई .

उजिर मगर, काठमाडौं, कात्तिक १४- माओवादी अध्यक्ष पुष्पकमल दाहालले आफ्नो पार्टीले आयोजना गरेको चियापान कार्यक्रम नेपालको वर्तमान समस्या समाधान गर्न ऐतिहासिक बन्न सक्ने बताएका छन्। उनले यो चियापानले मुलुकको सङक्रमण काल अन्त्य हुने आशा पनि व्यक्त गरे।
हामी वार्ताको नयाँ अभियानमा छौं भन्दै अध्यक्ष दाहालले अहिलेको वार्ता पहिलेका भन्दा भिन्दै भएको जानकारी पनि दिए। उनले अहिलेको वार्ता निष्कर्षमा पुर्‍याउनेगरी हुँदैछ भन्दै थपे- हामी आफ्नो जिम्मेवारी पूरा गर्नेछौं‌, यसका लागि संविधान बन्नेछ र शान्ति प्रक्रिया पनि टुङ्गिनेछ।
     पार्टीका नेताहरुले माओवादी फुट्न हुन्न भनेका छन् भन्दै उनले पार्टी एकताका लागि जस्तोसुकै त्याग गर्न पनि तयार रहेकोसमेत बताए। उनले माओवादी पार्टीको तर्फबाट शान्ति र संविधान निर्माण सुनिश्चित हुने वचनबद्धता पनि व्यक्त गरे।