कार बम आक्रमणमा एक नेपाली घाइते

कान्दाहार (अफगानिस्तान), कार्तिक १४ - अफगानिस्तानको दक्षिणी सहर कान्दाहारमा भएको कार बम आक्रमणमा एक नेपाली घाइते भएका छन् ।
कान्दाहारस्थित राष्ट्रयसंघीय उच्चायुक्त कार्यालयमा भएको आक्रमणमा घाइते भएका ती नेपालीको पहिचान नखुलेको अन्तर्राष्ट्रिय सञ्चारमाध्यमले जनाएका छन् । प्रान्तीय गर्भनर कार्यालयका अनुसार आत्मघाती कार बम आक्रमणमा चार जनाको मृत्यु भएको छ ।
अधिकारीहरुका अनुसार मारिएकामध्ये एक प्रहरी र तीन सर्वसाधारण छन् । कान्दाहार प्रहरी प्रमुख अब्दुल रज्जाकका अनुसार आक्रमणपछि विद्रोहीसँग नेटो र अफगान प्रहरीबीच गोली हानाहान भएको थियो ।