काठमाडौँ, कात्तिक २ (नागरिक)- फोरम लोकतान्त्रिकले रक्षामन्त्री शरत्सिंह भण्डारीको राजीनामा बारे कांग्रेस-एमालेसँग छलफलपछि मात्रै निर्णय लिने जनाएको छ। यसका लागि पार्टीको राजनीतिक समितिको बैठक बुधबार बिहान ११ बजे फेरि डाकिएको छ। मोर्चामा संलग्न मधेसी दलले मन्त्री भण्डारीको राजीनामा गराउन नहुने भन्दै लबिङ गर्दै आएका छन्।
मंगलबार पार्टी मुख्यालय सानेपामा बसेको राजनीतिक समितिको बैठकले चार बुँदे सम्झौता खारेज र रक्षामन्त्री भण्डारीको राजीनामा माग गर्दै आएका प्रतिपक्षीहरूसँग छलफल गरेरमात्रै टुंगोमा पुग्ने निर्णय लिएको हो।
'प्रतिपक्षी दलहरूसँग पनि उनीहरूले उठाएका विषयमा छलफल गर्न आवश्यक देखिएकाले भोलि कांग्रेस-एमालेसँग छलफल गरेपछि मात्रै रक्षामन्त्रीको राजीनामाबारे टुंगोमा पुग्ने सहमति भएको छ,' बैठकपछि फोरम लोकतान्त्रिकका उपाध्यक्ष रामेश्वर राय यादवले नागरिकसँग भने।
फोरमले मधेसी मोर्चाका अन्य घटकसँग पनि छलफल गरेरमात्रै रक्षामन्त्रीको राजीनामाबारे निर्णयमा पुग्ने बताएको छ । 'अहिलेको गठबन्धनमा फोरम एक्लै सरकारमा गएको होइन, मोर्चा सरकारमा गएको हो,' उनले भने, 'त्यसैले रक्षामन्त्रीको राजीनामाका विषयमा पनि मोर्चामा आबद्ध अन्य दलसँग पनि छलफल गरी उनीहरूको सुझावका आधारमा निर्णय गर्छौँ।'
उनीहरूले मन्त्री भण्डारीको अभिव्यक्तिको आशय कांग्रेस-एमालेले बंग्याएर राजनीति गरेको आरोप लगाउँदै आएको छ। मोर्चामा संलग्न फोरम गणतान्त्रिक, सद्भावना, तराई मधेस लोकतान्त्रिक पार्टीलगायत दलले प्रतिपक्षी दल कांग्रेस र एमाले संसदलाई हतियार बनाई बहुमतमाथि अल्पमतको राजनीति लाद्ने फोहोरी खेलमा सहभागी भई संसद अवरोध गरेको आरोप लगाएको छ।
मंगलबार पार्टी मुख्यालय सानेपामा बसेको राजनीतिक समितिको बैठकले चार बुँदे सम्झौता खारेज र रक्षामन्त्री भण्डारीको राजीनामा माग गर्दै आएका प्रतिपक्षीहरूसँग छलफल गरेरमात्रै टुंगोमा पुग्ने निर्णय लिएको हो।
'प्रतिपक्षी दलहरूसँग पनि उनीहरूले उठाएका विषयमा छलफल गर्न आवश्यक देखिएकाले भोलि कांग्रेस-एमालेसँग छलफल गरेपछि मात्रै रक्षामन्त्रीको राजीनामाबारे टुंगोमा पुग्ने सहमति भएको छ,' बैठकपछि फोरम लोकतान्त्रिकका उपाध्यक्ष रामेश्वर राय यादवले नागरिकसँग भने।
फोरमले मधेसी मोर्चाका अन्य घटकसँग पनि छलफल गरेरमात्रै रक्षामन्त्रीको राजीनामाबारे निर्णयमा पुग्ने बताएको छ । 'अहिलेको गठबन्धनमा फोरम एक्लै सरकारमा गएको होइन, मोर्चा सरकारमा गएको हो,' उनले भने, 'त्यसैले रक्षामन्त्रीको राजीनामाका विषयमा पनि मोर्चामा आबद्ध अन्य दलसँग पनि छलफल गरी उनीहरूको सुझावका आधारमा निर्णय गर्छौँ।'
उनीहरूले मन्त्री भण्डारीको अभिव्यक्तिको आशय कांग्रेस-एमालेले बंग्याएर राजनीति गरेको आरोप लगाउँदै आएको छ। मोर्चामा संलग्न फोरम गणतान्त्रिक, सद्भावना, तराई मधेस लोकतान्त्रिक पार्टीलगायत दलले प्रतिपक्षी दल कांग्रेस र एमाले संसदलाई हतियार बनाई बहुमतमाथि अल्पमतको राजनीति लाद्ने फोहोरी खेलमा सहभागी भई संसद अवरोध गरेको आरोप लगाएको छ।
कोई टिप्पणी नहीं:
एक टिप्पणी भेजें