कार्तिक २,केहि समय अघि हत्या गरिएका इस्लामी संघ नेपालका महासचिव फैजान अहमदका हत्यारालाई फक्रेर कारबाही गर्न माग गर्दै विभिन्न मुस्लिम संघ-संगठनले मुलुकभरका जिल्ला प्रशासन कार्यालय अगाडि धर्ना दिएका छन् ।
सरकारले हत्यारा पत्ता लगाएर कारबाही गर्न चासो नदेखाएको भन्दै उनीहरुले दबाबस्वरुप घेराउ गरेको बताएका छन् । कार्यालय खुल्ने वित्तिकै बिहान १० बजेपछि नारावाजीसहति भएको घेराउका कारण अधिकांश जिल्ला प्रशासन कार्यालयका कामकाज प्रभावित भएको छ ।
फैजानको तीन साताअघि राजधानीको घण्टाघर अगाडि दिनदहाडै गोली प्रहार गरी हत्या गरिएको थियो । सरकारले हत्या छानविनका लागि दुईपटकसम्म अधिकार सम्पन्न आयोग गठन गरे पनि मुस्लिम संघ संगठनले एक पक्षीय भन्दै त्यसलाई अस्वीकार गर्दै आएका छन ।
(डिसिनेपाल डटकम संवाददाता)
कोई टिप्पणी नहीं:
एक टिप्पणी भेजें