मोटरसाइकलबाट खसेर मृत्यु

चितवन (रत्ननगर), कार्तिक २ - आफ्नै छोराले चलाएको मोटरसाइकलबाट खसेर चितवन खैरहनी निवासी एक महिलाको ज्यान गएको  छ ।
भरतपुरबाट घरतर्फ जाँदै गर्दा चितवनको भरतपुरस्थित गैँडा चोकमा छोरा प्रकाश श्रेष्ठले चलाएको मोटरसाइकलबाट खसेर गंम्भीर घाइते भएकी खैरहनी निवासी ५७ वर्षीया गङ्गा श्रेष्ठको उपचारका क्रममा मंगलबार राति ज्यान गएको हो ।
प्रहरीका अनुसार प्रकाशले चलाएको ना.११प ८५३६ नम्बरको मोटरसाइकलको पछाडि बसेकी उनी खसेर गम्भीर घाइते भएकी थिइन् ।
 उपचारका क्रममा भरतपुर मेडिकल कलेजमा राति उनको ज्यान गएको प्रहरीले जनाएको छ ।