मोटरसाइकलले ठक्कर दिँदा एकको मृत्यु

चितवन (रत्ननगर), कात्तिक १२-चितवनको भरतपुरस्थित मालपोतचोकमा मोटरसाइकलले ठक्कर दिँदा एक जनाको मृत्यु भएको छ। गएराति भरतपुरको बसपार्कबाट वाइपास रोड हुँदै आँपटारीतर्फ जाँदै गरेको ना.६प ६४३६ नम्बरको मोटरसाइकलको ठक्करबाट साइकल चालकको मृत्यु भएको चितवन प्रहरीले जनाएको छ। मोटरसाइकलको ठक्करबाट मृत्यु हुनेमा भरतपुर ११ का २४ वर्षीय कान्छालाल वम्जन रहेको प्रहरीले जनाएको छ। उनको भरतपुर मेडिकल कलेजमा राति नै उपचारका क्रममा मृत्युभएको हो।

मोटरसाइकल नियन्त्रणमा रहे पनि चालक भने फरार रहेकोले प्रहरीले खोजिरहेको छ। रासस