दुर्घटनामा एकको मृत्यु १७ घाइते

बुटवल, कार्तिक ११ - पूर्वपश्चिम राजमार्ग अन्तरगत बुटवल नगरपालिका १४ जीतगढीमा भएको सवारी दुर्घटनामा एकजनाको मृत्यु भएको छ । दुर्घटनामा परी १७ जना घाइते भएका छन् । 
बिहीबार राति सालझण्डीबाट बुटवलतर्फ आउँदै गरेको लु १ ख ४४ १७ नम्बरको बसमा वीपरीत दिसातर्फ जाँदै गरेको लु ३ ख १४६६ नम्बरको मोटरसाइकलले ठक्कर खाँदा मोटरसाइकल चालक बुटवल ८ का ४८ वर्षे सोमनाथ पराजुलीको मृत्यु भएको हो । 
मोटरसाइकल जोगाउन खोज्दा अनियन्त्रित भइ बस पल्टिँदा त्यसमा सवार १७ जना घाइते भएको पश्चिम क्षेत्रीय ट्राफिक प्रहरी कार्यालय बुटवलले जनाएको छ । 
घाइतेहरु सबैको लुम्बिनी अञ्चल अस्पताल बुटवलमा उपचार भइरहेको छ ।