जुवा खेल्ने र जुवाखाल चलाउने बुटवलका १६ जना पक्राउ

बुटवल, कार्तिक ११ -   तिहारको मौका छोपेर जुवा खेल्ने र जुवाखाल चलाउने बुटवलका १६ जनालाई रुपन्देही प्रहरीले पक्राउ गरेको छ । 
जुवाको खालबाट ४ लाख रुपैयाँ बरामद समेत गरेको छ । स्थानीयको उजुरीपछि प्रहरीले बिहीबार राति छापा मारी बुटवल १४ नयागाउंका व्यवसायीक जुवाडेसहित उद्योगी व्यापारीहरुसहित १६ जनालाई पक्राउ गरेको जिल्ला प्रहरी कार्यालय रुपन्देहीले जनाएको छ । 
पक्राउ परेका सबैलाई अनुसन्धानका लागि वडा प्रहरी कार्यालय बुटवलमा राखिएको छ ।