साताको पहिलो दिन सुनको मूल्यमा वृद्धि

काठमाडौँ, ६ कार्तिक। स्थानीय बजारमा आइतबार छापावाल सुनको मूल्य गत शुक्रबारको तुलनामा प्रति तोला पाँच सय १० ले वृद्धि भई रु ५१ हजार २६० कायम भएको छ। अन्तर्राष्ट्रिय बजारमा सुनको मूल्यमा वृद्धि भएको हुँदा यसको मूल्य उकालो लागेको हो।
गत शुक्रबार सुनको मूल्य प्रतितोला रु. ५० हजार सात सय ५० रहेकॊ सुनचाँदी व्यवसायी सङ्घले जनाएको छ। त्यस्तै तेजावी सुनको मूल्य प्रतितोला आइतबार रु. ५१ हजार ५० मा कारोबार भएको छ भने उक्त सुनको मूल्य गत शुक्रबार रु ५० हजार पाँच सय ४० मा कारोबार भएको थियो।
यसैगरी चाँदीको मूल्य शुक्रबार र आइतबार स्थिर रही प्रतितोला रु एक हजार ४० कायम रहेको सङ्घले जनाएको छ । रासस