बाघको हड्डीसहित चार पक्राउ

उपेन्द्र लामिछाने, बारा, कात्तिक ७ - सशस्त्र प्रहरीले बाराको निजगढबाट साढे सात किलो बाघको हड्डीसहित चारलाई पक्राउ गरेको छ। सशस्त्र प्रहरी नायव निरीक्षक फणिन्द्र गोलेको नेतृत्वमा खटिएको टोलीले आइतबार निजगढ-५ स्थित रक्सी भट्टीबाट उनीहरुलाई पक्राउ गरेको हो।
पक्राउ पर्नेमा चितवन पटियानी -६ का मदनप्रसाद ढुगांना , नवलपरसी उडिया ४ का भुपराज पाठक सोही ठाउँका प्रेमलाल खरेल रहेको प्रहरीले जनाएको छ। उनीहरुको साथबाट बाघको टाउको, खुर,  करङ लगायतका हड्डी फेला परेको सशस्त्र प्रहरी निरीक्षक विनोद खतिवडाले बताए ।
उनीहरुले पर्सा बन्यजन्तु आरक्ष नजिकको सुवर्णपुर गाउँबाट उक्त हड्डी खरिद गरेको जनाएका छन्। पक्राउ परेका ४ सहित बाघको हड्डी थप अनुसन्धानको लागी सोमबार पर्सा बन्यजन्तु आरक्षमा बुझाइएको छ।