तीस भन्दा बढी तिब्बती पक्राउ

ललितपुर, कार्तिक १५ - तिब्बत स्वतन्त्रताको पक्षमा जावलखेलस्थित चौरमा प्रदर्शन गर्न खोज्ने तिब्बती शरणार्थीहरुलाई मंगलबार ललितपुर प्रहरी पक्राउ गरेको छ ।
प्रहरीका अनुसार उनीहरुले तिव्वतको स्वतन्त्रताको पक्षमा तिब्बतका बिभिन्न क्षेत्रमा आत्मदह गरेका तिब्बती भिक्षुहरुको सम्झनामा पुजा पाठ गरेर प्रदर्शन गर्न खोजेका थिए । 
प्रहरीले ३० जना भन्दा बढी पक्राउ गरेको बताए पनि उनीहरुको सम्बन्धमा विस्तृत जानकारी सार्वजनिक गरेको छैन ।
तिब्बतीहरुले खुला चौरमा पुजा पाठ तथा प्रदर्शन गर्ने भएपछि ललितपुर जिल्ला प्रशासनको निर्देशनमा उनीहरुलाई पक्राउ गरिएको हो । दिउँसो साँढे ११ बजेसम्म पनि तिब्बतीहरुले प्रदर्शनको प्रयास गरेको थियो भने प्रहरीले धरपकड गरिरहेको थियो ।
पछिल्लो समयमा तिब्बतमा चिनीय शासनको विरोध गर्दै भिक्षुहरुले आत्मदह गर्ने गरेका छन् ।