मोटरसाइकलमा दुर्घटना दुईको मृत्यु

कावासोती, कार्तिक ९ - पूर्व–पश्चिम राजमार्गअन्तर्गत नवलपरासीको दुम्कीवास–५ मा मंगलबार राति भएको मोटरसाइकल दुर्घटनामा दुई जनाको मृत्यु भएको छ । 
गएराति पौने ११ बजे पश्चिमबाट पूर्वतर्फ जाँदै गरेको लु.६प १०२७ नम्बरको मोटरसाइकल दुम्कीवास–५ मा रोकि राखिएको बा.१ख २९३८ नम्बरको ट्रकमा ठक्कर खाँदा नवलपरासी दुम्कीवास–२ का ३५ वर्षीय नरबहादुर विक र उनको पाँच पर्षीय छोरी एलिना विकको मृत्यु भएको जिल्ला ट्राफिक प्रहरी कार्यालय नवलपरासीले जनाएको छ ।
दुर्घटनामा परी गंम्भीर घाइते भएका दुबैलाई उपचारका लागि कालीगण्डकी अस्पताल कावासोती लगिँदै गर्दा बीच बाटोमै मृत्यु भएको प्रहरीले जनाएको छ । दुर्घटनापछि एकाएक दुम्कीवासबाट भगाइएको ट्रक कावासोतीमा भेटिएको छ तर ट्रक चालक फरार छन् ।