काठमाडौं, कार्तिक १४ - प्रधानमन्त्री बाबुराम भट्टराईले बजार अनुगमन नभएको मौकामा गलत कृयाकलाप गर्नेलाई नछाड्ने चेतावनी दिएका छन् ।
सोमबार साँझ रेडियो नेपालको 'जनतासँग प्रधानमन्त्री' कार्यक्रममा प्रधानमन्त्री भट्टराईले बजार अनुगमनलाई निरन्तरता दिने बताए । 'बजार अनुगमन भएको मौकामा गलत हर्कत गर्नेलाई सरकारले छाडिन्न,' उनले भने ।
स्रोताको जवाफ दिंदै प्रधानमन्त्री भट्टराईले विमानस्थलमा ठगिने गतिविधिको खबरले आफू दुःखित भएको भन्दै त्यस्ता कृयाकलाप गर्नेलाई कारबाही गर्न निर्देशन दिइसकेको उल्लेख गरे ।
भारत भ्रमणकाक्रममा आफूले ५ सय र एक हजारको नोट नेपालमा नचल्ने गरेकोप्रति भारतीय अधिकारीसँग छलफल गरेको बताए । उनले त्यसक्रममा भारतीय गृहमन्त्रीसँग सीमा अतिक्रमणबारे पनि छलफल गरेको जानकारी दिए ।
ईन्जिनियरिङ क्षेत्रमा विचौलियाले दुःख दिने गरेकोप्रति आफ्नो ध्यानाकर्षण भएको बताउँदै उनले त्यस्तो दुरुपयोगीलाई कारबाहीका लागि पहल गर्ने बताए । उनले सरकारी कर्मचारीले पनि विचौलियाको हिस्सा लिने गरेकोसमेत उल्लेख गरे ।
माओवादी विवादबारे स्रोताले राखेको जिज्ञासामा उनले भने, 'माओवादी सिद्धिनै लाग्यो भन्ने हल्ला निराधार हो, त्यस्तो होइन, माओवादी न्याय र समानताका लागि सवैभन्दा बढी लडेको शक्ति हो ।'
प्रधानमन्त्रीले आर्थिक पारदर्शिताका लागि आफूले चालेका कदममा सन्तुष्टि नभएको बताए । 'मै आफैं उदाहरण बनेर जति काम गरें, त्यो पर्याप्त भएन यसले केही नैतिक दबाब महसुस भएको छ,' उनले भने ।
उनले स्वीस बैंकमा माओवादी नेताहरुको खाता नभएको दाबी गर्दै त्यो पैशा जानकारी गराएर सवै लैजान आग्रह गरे ।
कोई टिप्पणी नहीं:
एक टिप्पणी भेजें