मन्त्रिपरिषदले पारित गर्‍यो प्रधानमन्त्रीको भारत भ्रमण

काठमाडौं, कात्तिक २ (नागरिक)- मन्त्रिपरिषद्को आजको बैठकले प्रधानमन्त्री बाबुराम भट्टराईको भारत भ्रमणलाई अनुमोदन गरेको छ। भोलिदेखि सुरु हुने प्रधानमन्त्रीको भारत भ्रमणका लागि ३७ सदस्यीय सरकारी टोलीलाई बैठकले अनुमोदन गरेको हो।
सरकारका प्रवक्ता तथा उपप्रधान एवम् परराष्ट्रमन्त्री नारायणकाजी श्रेष्ठका अनुसार बैठकले भ्रमणको कार्यसूची पनि अनुमोदन गरेको छ। प्रधानमन्त्री बाहेक उद्योगपति एवम् व्यापारी तथा केही सञ्चारकर्मीहरु निजी खर्चमा भ्रमण दलमा सहभागी हुँदैछन्।
प्रधानमन्त्री भट्टराई भारतीय समकक्षी मनमोहन सिंहको निमन्त्रणामा चार दिने औपचारिक भारतक भ्रमणमा जान लागेका हुन्।