पोखरा , कार्तिक २ - माओवादी अध्यक्ष पुष्पकमल दाहालले प्रधानमन्त्री बाबुराम भट्टराई भारत जानु अघि नै शान्ति प्रकृया टुंगिने बताएका छन । उनले बुधवार बेलुकी कांग्रेस र एमालेसंग बैठक बसेर शान्ति प्रकृयाका विवादास्पद बिषयमा छलफल गरिने बताए । 'सके बेलुकी, नभए भोली विहीबार विहानसम्म कुनै टुंगोमा पुगिने प्रयास रहन्छ,' उनले भने । बुधबार विहान पोखरामा क्रान्तिकारी पत्रकार संघको भेटमा अध्यक्ष दाहालले लडाकुको रिगु्रपिङको काम धेरै नजीकै पुगेको दावी गरे । उनले शान्ति प्रकृया अत्यन्तै गम्भिर मोडमा पुगेको भन्दै प्रधानमन्त्री भारत जानु अघि नै समायोजन र पुनस्र्थापनामा सहमति चाहेको बताए । केही गरी बुधवार र बिहीबार सहमति नभए केही दिनमै शान्ति प्रकृया टुंगोमा पुग्ने उनले दावी गरे ।
अध्यक्ष दाहालले संविधान निर्माणमा ठूलो चुनौती नरहेको भन्दै राज्य पुनर्सरचनाकालागि बिज्ञको एक टीम बनाउने र अन्य बिषयमा राजनैतिक सहमति जुट्ने बताए । संघियता, आत्मनिर्णयको अधिकार र स्वशासनबिनाको संविधानको कल्पनासमेत गर्न नसकिने उनको भनाई थियो ।
प्रधानमन्त्रीको भारत भ्रमणमा विवादास्पद कुनै पनि राजनीतिक विषयमा प्रवेश नगर्नु उचित हुने भन्दै दाहालले यसलाई सद्भावना भ्रमणको रुपमा लिईएको बताए । तर ब्यापार, पारवाहन र आर्थिक बिषयमा भने कुराकानी गर्न सकिने भन्दै दाहाले विगतमा भएका सहमति कार्यान्वयन गर्नेतर्फ प्रधानमन्त्रीले पहल गर्नुपर्नेमा जोड दिए । दोहोरो कर, बन्दरगाह लगायतका बिषयमा राष्ट्रिय हितलाई प्राथमिकतामा राखेर कुराकानी हुने उनले बताए ।
कोई टिप्पणी नहीं:
एक टिप्पणी भेजें