भरतपुर, कार्तिक २ - एमाले बरिष्ठ नेता तथा पूर्व प्रधानमन्त्री माधवकुमार नेपालले साढे ५ हजार माओवादी लडाकुलाई सुरक्षा अंगमा समायोजन गर्ने विषयमा दलहरु सहमति नजिक पुगेको बताएका छन् ।
माओवादीले पछिल्लो समय ६ हजार लडाकु समायोजन गर्न प्रस्ताव गरेको र एमाले लगायत दलहरुले पाँच हजार भन्दा धेरै लडाकु समायोजन गर्न नसक्ने अडान लिएको भन्दै उनले बिचमा सहमति हुने संकेत गरे ।
स्व. नेता मदन भण्डारीकी माता चन्द्रकला भण्डारी दिवंगत भएको १३ औं पुण्य तिथिमा सहभागी हुन चितवनमा आइपुगेका नेता नेपालले अपरान्ह प्रेस चौतरीले गरेको पत्रकार सम्मेलनमा सेना समायोजनको मापदण्ड, मोडालिटी र संख्याका बिषयमा सहमति गर्न ढिलो गर्न नहुने बताए । उनले माओवादी लडाकुको छुट्टै युनिट बनाउने विषयमा भने सहमति हन नसक्ने बताए ।
माओवादीलाई पहिले आफ्नो घर राम्रोसँग सम्हाल्न आग्रह गर्दै उनले मंसीर १४ गते भित्रमा शान्ति र संविधानको विषयमा सहमति गर्न जिम्मेवार रुपमा अघि बढ्न आग्रह गरे । उनले प्रधानमन्त्री बाबुराम भट्टराईलाई भारत भ्रमणमा नेपालले बंगलादेशको बन्दरगाहा प्रयोग गर्न पाउनुपर्ने तथा तश्रो मुलुकको सेवा सिधै उपयोग गर्न पाउने विषय उठाउन आगंह गरे ।
श्रद्धाअञ्जली सभामा एमाले नेता केपी ओलीले मदन भण्डारीले प्रतिपादन गरेको जनताको बहुदलीय जनवादको सिद्धान्तलाई क्षणिक लाभका लागि प्रयोग नगर्न आग्रह गरे । केही व्यक्तिहरु यस सिद्धान्तको विरोधमा पूर्वाग्रही बनेपनि अन्ततः कसैले पराजित गर्न नसक्ने दावी गरे ।
कोई टिप्पणी नहीं:
एक टिप्पणी भेजें