२ चैत, पोखरा । पोखरामा मंगलबार बिहान करिव साँढे ६ लाख लुटेर भाग्न खोज्ने एक लुटेरा पक्राउ परेका छ। पोखरा ९ नागढुंगामा रहेको सभ्यता मनि ट्रान्सफरबाट मंगलबार रकम लुटेर भाग्दै गरेका सुनसरी घर भई पोखरा रामबजार बस्दै आएका प्रशान्त थापा मगर पक्राउ परेका हुन् । मनि ट्रान्सफरबाट मंगलबार पूर्वान्ह १०ः४५ बजे रकम लुटेर भाग्दै गरेका उनलाई प्रहरीले पक्राउ गरेको कास्कीका प्रहरी प्रवक्ता -डिएसपी) गजुसिद्धी बज्राचार्यले जानकारी दिए । उनका अनुसार लुटेरालाई घट्नास्थलबाट पाँच सय मिटरकै दुरिमा पक्राउ गर्न प्रहरी सफल भएको हो । प्रवक्ता बज्राचार्यका अनुसार थापाको साथ बाट एउटा पेस्तोल र ६ लाख ४५ हजार नगद बरामद गरिएको छ । रकम लुटपाटमा अन्य व्यक्ति पनि संलग्न भएको हुुनसक्ने आशंकामा प्रहरीले अनुसन्धान गरिरहेको प्रहरीले जनाएको छ । सार्क विदेश मन्त्रिस्तरीय बैठक चलिरहेको अवस्थामा पोखराको सुरक्षा व्यवस्थालाई कडा बनाइएको छ । चोकचोकमा प्रहरी खटिएकोले पनि थापालाई तत्कालै पक्रन प्रहरी सफल भएको हो ।
कोई टिप्पणी नहीं:
एक टिप्पणी भेजें