३० फागुन, काठमाडौं । नेपाल विद्युत प्राधिकरणले एसएलसी परीक्षालाई ध्यानमा राख्दै लोडसेडिङ दैनिक एक घण्टा घटाएको छ । यसअघि १३ घण्टासम्म लोडसेडिङ गर्दै आएको प्राधिकरणले अब दैनिक १२ घण्टासम्म लोडसेडिङ गर्ने भएको हो ।
प्राधिकरणले भोलि सोमबारदेखि लागू हुने गरी नयाँ तालिका सार्बजनिक गरेको छ । नजिकै आउँदै गरेको एसएलसी परीक्षालाई ध्यानमा राखेर विद्युत कटौति हुने समयावधी घटाएको प्राधिकरणले जनाएको छ ।
यस्तै नदीहरुमा जलस्तर केही बढेको र भारतबाट पनि थप विद्युत आयात भएकाले लोडसेडिङ घटाउन सम्भव भएका प्राधिकरणले उल्लेख गरेको छ ।
भारतबाट ८० मेगावाट बिजुली आएपछि दिनको दुई घण्टासम्म लोडसेडिङ गर्ने भनिए पनि एक घण्टामात्र घटाइएको छ । पछिल्लोपटक निजी क्षेत्रलाई दिइएको डेडिकेटेड लाइनहरु काटेपछि बिजुलीको बचत पनि केही बढेको छ । प्राधिकरणले यसअघि दिनमा १३ घण्टाका दरले हप्तामा ९१ घण्टा लोडसेडिङ गर्दै आएको थियो ।
कोई टिप्पणी नहीं:
एक टिप्पणी भेजें