चैत ७ । भारतीय सेनाका अवकाशप्राप्त मेजर जनरल अशोक मेहताले चीनबाट चमत्कार नहुने बताएका छन् । उनले मधेसी दलहरुले नाकाबन्दी गरेको बेला त सहयोग नगरेको चीनले अब झन् सहयोग नगर्ने बताएका छन् । ‘बुझ्नुपर्ने कुरा के हो भने मधेसी दलहरुको नाकाबन्दीको बीचमा नेपाललाई संकट पर्दा चीनले सामान्य परिमाणमा तेलबाहेक सहयोग गरेन । अप्ठ्यारोमा त सहयोग नगरेको चीनले अब नेपाललाई के सहयोग गर्ला ?’ उनले थप भनेका छन्, ‘चीनले चामत्कारिक रुपमा नेपाललाई केही सहयोग गरिदेला भन्ने मलाई लाग्दैन ।’नयाँ पत्रिकामा प्रकाशित उनको विचारअनुसार विगतमा चीनको नाम लिएर भारतसँग बार्गेनिङ गर्ने गरेको कुरासँग चीन परिचित रहेको उनले बताएका छन् ।
कोई टिप्पणी नहीं:
एक टिप्पणी भेजें