बुद्धको मावली स्थलमा गुरुयोजना आवश्यक

गोबिन्द घर्ती रुपन्देही, फागुन २७ - भगवान गौतम बुद्धको मावली स्थल देवदहमा रहेका ऐतिहासिक पुरातात्विक स्थलहरुको संरक्षण र सम्वद्र्धनको लागि गुरुयोजना आवश्यक रहेको रुपन्देहीको देवदहमा आयोजित एक कार्यक्रमका वक्ताहरुले बताएका छन् ।
 उनीहरुले देवदह विकास कोषको गठन हुनु पर्नेमा जोड दिएका थिए । दोस्रो राष्ट्रिय देवदह औद्योगिक व्यापार मेला, कृषि तथा पर्यटन महोत्सवको अवसरमा पर्यटन प्रवधन उपसमितिले आयोजना गरेको अवलोकन तथा अन्र्तक्रिया कार्यक्रममा बोल्ने वक्ताहरुले उक्त कुरा बताएका हुन । सो अवसरमा बोल्दै लुम्विनी विकास कोषका सदस्य सचिव आजितमान तामाङ्गले देवदह क्षेत्रमा रहेका बुद्धसंग सम्वन्धीत ऐतिहासिक एवं पुरातात्कि स्थलहरुको संरक्षण, सम्वद्र्धन र उत्खनन् गर्न राज्यले ध्यान दिनु पर्नेमा जोड दिनु भयो । उहाले बढ्दो शहरीकरणको कारण ऐतिहासिक स्थानहरु अतिक्रमणमा पर्ने गरेकोले ऐतिहासिक वस्तुहरु नष्ट हुदै गएको बताउनु भयो ।

 सदस्य सचिव तामाङ्गले राज्यले देवदह क्षेत्रमा रहेका बुद्धसंग सम्वन्धीत ऐतिहासिक स्थलहरुको महत्व जानाकारी गराउन देवदहमा सूचना केन्द्र स्थापना गर्न लागिरहेको बताउनु भयो । राजनैतिक कारणले लुम्विनी विकास कोषले सोचे जस्तो काम गर्न नसकेको सदस्य सचिव तामाङ्गले बताउनु भयो । सोही कार्यक्रममा बोल्दै देवदह नगरपालिकाका कार्यकारी अधिकृत गणेश घिमिरेले देवदह क्षेत्रमा रहेका विद्यालयहरुमा बुद्ध संग सम्वन्धीत पाठय पुस्तक लागु गर्न नगरपालिकाका लागिरहेको बताउनु भयो । उहाले देवदहलाई पर्यटकीय क्षेत्रको रुपमा विकास गर्न गुरुयोजना निर्माण गरि अगाडि बढिरहेको बताउनु भयो । मूल आयोजक समितिका अध्यक्ष गोपाल ढकालको अध्यक्षता, महासचिव प्रमोद खनालको स्वागत, चन्द्रबहादुर रानाको धन्यवाद ज्ञापन र पर्यटन प्रवद्र्धन उपसमितिका संयोजक भिमगुरुङ्गको संचालनमा कार्यक्रम सम्पन्न भएको थियो ।
उपसमितिले देवदह क्षेत्रमा रहेका ऐतिहासिक तथा पुरातात्कि क्षेत्रको अवलोकन गर्ने उद्देश्यका साथ भ्रमणको आयोजना गरेको हो । देवदह रहेको ऐतिहासिक र पुरातात्तिक पाकडी वृक्ष, कन्यामाई, बैरीमाई, भवानीपुर क्षेत्रको अवलोकन गरिएको हो ।