काठमाडौं, कात्तिक १५ (नागरिक)- भारतीय राजदूत जयन्तप्रसादले नेपालले छुट्टै विनिमयपत्र माग गरेपछि प्रधान मन्त्री डा. बाबुराम भट्टराईको भारत भ्रमणको क्रममा दोहोरो कर अन्त्यसम्बन्धी सम्झौतामा हस्ताक्षर हुन नसकेको खुलासा गरेका छन्।उनले भारतले अन्य मुलुकसँग गरेको सम्झौतामा समेत सो विषय नरहेकाले अर्थ मन्त्री प्रणव मुखर्जीले सो विषयलाई अदालतमा चुनौती दिने सम्भावना देखेर हस्ताक्षर नगरेको बताए। उनले भने– भारतीय जनता अमेरिकन जस्तै आफ्नो शिरको टोपी खस्नेबित्तिकै पनि मुद्दा हाल्न जान्छन्। स्वभावले नै उनीहरु झगडिया छन्, त्यसैले अर्थ मन्त्रीले कुनै जोखिम मोल्न नचाहेर विनिमयपत्रमा हस्ताक्षर नगर्नुभएको हो। उनले दोहोरो कर अन्त्यसम्बन्धी सम्झौतामा हस्ताक्षर भए दुवै मुलुकमा स्रोत र साधनको गैरकानुनी एवम् आतङ्ककारी कार्यका लागि हुने लगानी लैजान रोक्ने भन्दै छिट्टै त्यसमा छलफल गरेर सम्झौता हुने विश्वास व्यक्त गरे।
नेपालका राजनीतिक दल शान्ति प्रक्रिया कसरी टुङ्ग्याउने भन्ने विषयमा केन्द्रित रहेको उल्लेख गर्दै उनले शान्ति प्रक्रिया टुङ्ग्याएर दिगो शान्ति स्थापना गरी द्रुत विकासमा लाग्न थालेको बेला भारतीय प्रधान मन्त्रीको नेपाल भ्रमण उपयुक्त हुने धारणा पनि राखे। त्यो बेला भारतीय प्रधान मन्त्रीको नेपाल भ्रमणलाई कसैले अस्वीकार गर्न सक्दैन- उनले भने। उनले विगत ४८ घण्टामा दलहरुको छलफल सकारात्मक रहेको भन्दै बाँकी रहेको १ महिनाभित्रमा शान्ति प्रक्रिया टुङ्गिने अपेक्षा व्यक्त गरे।
कोई टिप्पणी नहीं:
एक टिप्पणी भेजें