रोकिराखेको ट्रकमा ठोक्किँदा मोटरसाइकलमा सवार दुईको मृत्यु

कावासोती, कात्तिक ३- पूर्व-पश्चिम राजमार्गअन्तर्गत नवलपरासीको दिव्यपुरीमा गएराति भएको मोटरसाइकल दुर्घटनामा दुई जनाको मृत्यु भएको छ।
गएराति १२ बजे नारायणघाटबाट पश्चिमतर्फ जाँदै गरेको ना.९प ७३६० नम्बरको मोटरसाइकल दिव्यपुरी-७ मा रोकिराखेको ना.४ख १९१७ नम्बरको ट्रकमा ठक्कर खाई गोर्खा बोलाङ-७ का ३० वर्षीय अर्जुन श्रेष्ठ र नवलपरासी कुमारवर्ती- १ का गोविन्द ढुङ्गानाको मृत्यु भएको इलाका प्रहरी कार्यालय कावासोतीले जनाएको छ।
दुर्घटनामा परी मृत्यु हुने दुवै जनाको शव प्राथमिक स्वास्थ्य केन्द्र दुम्कौलीमा राखिएका छन्। रासस