आफुखुसी काजुको मुल्य निर्धारण

कार्तिक ३ ,इन्द्रचोकआसपास रहेका पसलहरुले वस्तु खरिद गरेको अनुपातमा ६ गुणा बढी मूल्यमा बिक्री गर्ने गरेको पाइएको छ। वाणिज्य विभागको अगुवाइमा भएको बजार अनुगमनमा सो तथ्य पत्ता लागेको हो। विभागले इन्द्रचोकका ५ वटा पसलमा अनुगमन गरेको थियो। पुनः किराना पसल इन्द्रचोक आइस इन्टरप्राइजेज काइयो इन्टरप्राइजेज श्रेष्ठ ड्राइफुट चौलागाईं किराना स्टोरमा अनुगमन गरिएको थियो।

अनुगमनका क्रममा पसलहरुले काजु खरिद गर्दा १ सय ४० रुपियाँमा प्रतिकेजी तिरेको र बिक्री गर्दा ९ सय ८० मा बिक्री गरेको पाइएको अनुगमनमा संलग्न माधव तिमिल्सिनाले बताउनुभयो। उहाँका अनुसार अधिकांशमा बिल काट्ने सिस्टम नभएको र भए पनि ३ सय रुपियाँ प्रतिकेजी उल्लेख गरिएको थियो। पसलमा गरिएको अनुगमनमा विभागको अनुमति नलिइएको मूल्यसूची नराखिएको खरिद र बिक्री बिलको प्रयोग नभएको ढक-तराजु ठीक नभएको मनोमानी मूल्य र दुरुस्त तौल नभएको लगायत अनियमिततासाथ निर्बाध कारोबार गरिएको पाइएको थियो।