पत्रकारको मोटरसाइकल चोरी

भद्रपुर, १३ कार्तिक। नेपाल टेलिभिजनका झापा समाचारदाता लक्ष्मी लुइँटेलको मोटरसाइकल चोरी भएको छ। अनारमणि-३ स्थित आफ्नै घरमा राखिएको मोटरसाइकल चेनगेट फोरेर चोरी गरिएको पीडित लुइँटेलले जानकारी गराउनुभएको छ। मे ३ प ५११० नम्बरको रातो रङको हिरो होन्डा मोटरसाइकल शुक्रबार चोरी भएको हो।
यस सम्बन्धमा प्रहरीलाई तत्कालै जानकारी गराए पनि अहिलेसम्म केही पत्तो नलागेको उहाँले बताउनुभयो। यसअघि जनसंसद् दैनिकका सम्पादक मोहन काजीको होन्डा साइन मोटरसाइकल चोरी भएको थियो।त्यस्तै पत्रकार याम सिटौलाको पनि मोटरसाइकल चोरिएको थियो। रासस