नेपालगन्ज, कार्तिक १४ - अर्थमन्त्री बर्षमान पुनले शान्ति प्रक्रिया टुंग्याउनेबारे सोमबार मुख्य दलहरुबीच सहमति भई राष्ट्रिय सरकार बन्ने दाबी गरेका छन् ।
लडाकुको संख्या र पुनःस्थापनामा जानेहरुका लागि प्याकेजमा मात्र सहमति हुन बाँकी रहेको उल्लेख गर्दै उनले सोमबारको शीर्ष नेताहरुको बैठकले टुंगो लगाउने बताए । 'सोमबार शान्ति प्रक्रिया टुंगोमा पुर्याउने सहमति हुन्छ' माओवादी स्थायी समिति सदस्य समेत रहेका पुनले नेपालगन्जमा सन्चारकर्मीहरुसंग भने, 'लडाकुको संख्या र पुनस्र्थापना प्याकेजकै कारणले अब शान्ति प्रक्रियामा अवरोध हुँदैन ।'
राज्य पुनःसंरचनाबारे विज्ञ समूहबाट सुझाव लिने गरी मंसिर १४ गतेभित्र संविधानको मस्यौदा आउने दावी गर्दै अहिलेकै सरकार राष्ट्रिय सहमतिको सरकार बन्ने पनि बताए ।
माओवादीभित्रको अन्तरसंघर्षले शान्ति प्रक्रिया र संविधान लेखनमा कुनै प्रभाव नपार्ने पनि पुनले बताए । पार्टीले सके सहमतिमै नभए बहुमतका आधारमा शान्ति प्रक्रिया र संविधानबारे निर्णय लिने उल्लेख गर्दै उनले भने, 'पार्टीभित्रको विवाद र अन्तरसंघर्ष माघ/फागुनमा हुने महाधिवेशनबाट टुंगो लगाउँछौ । त्यहाँ पनि टुंगो लागेन भने आम बहसको विषय बनाएर जनतामा लैजान्छौं ।'
कोई टिप्पणी नहीं:
एक टिप्पणी भेजें