कञ्चनपुर,१४ कार्तिक। शुक्लाफाँटा वन्यजन्तु आरक्ष कार्यालयले संरक्षित जनावरलाई सर्वसाधारणको खेतबारीमा पस्नबाट रोक्न पिपरैयादेखि वनकट्टीसम्म हालॆको तारबार र काठका खम्बाहरु चोरिएका छन्।आरक्ष कार्यालयका कर्मचारीका अनुसार स्थानीयवासीकै सहयोगमा लाखौँ रुपैयाँ खर्चेर लगाइएको तारबार र पोल चोरी भएको हो।
पाँच किलोमिटरको दायराभित्र हालिएको तारजाली र काठका खम्बा चोरले उप्काएर कवाडीमा बेचेको स्थानीय बासिन्दाले बताएका छन्। त्यस क्षेत्रमा विद्युतीकरण गर्न गाडिएका सालका दर्जनौँ खम्बासमेत पटकपटक रातिको समयमा चोरी भएको स्थानीयवासीको भनाइ रहेको छ ।
आरक्षका संरक्षित जनावरले पुर् याउने क्षति न्यूनीकरण गर्न दुई वर्षअघि उक्त क्षेत्रमा तारजालीको घेरबार लगाइएको थियो। चोरीमा संलग्न व्यक्ति पक्राउ परे चोरी-सिकारी नियन्त्रण ऐनअनुसार कार्वाही गरिने आरक्ष प्रशासनको भनाइ रहेको छ। अहिलेसम्म कोही पनि तारजाली चोरीको आरोपमा पक्राउ भने परेका छैनन्। रासस
कोई टिप्पणी नहीं:
एक टिप्पणी भेजें