चितवनका सवै निजी विद्यालय अनिश्चितकालिन वन्दको आह्वान

चितवन, कार्तिक १४ - निजी विद्यालयमा कार्यरत शिक्षकहरुले आज देखि चितवनका सवै निजी विद्यालय अनिश्चितकालिन वन्दको आह्वान गरेका छन । सरकारी विद्यालयका शिक्षक कर्मचारीको सरह तलब सुविधा माग गर्दै आन्दोलनमा रहेका उनीहरुले अनिश्चितकालिन विद्यालय वन्दको आह्वान गरेका हुन् । हिजो साँझ प्याव्सन चितवन र ईष्टु चितवन विच भएको वार्तामा सहमती जुट्न नसकेपछि आजबाट निजी विद्यालयहरु बन्द आह्वान गरिएको ईष्टु चितवनका अध्यक्ष केशवराज पाठकले जानकारी दिनुभयो ।


वन्दका कारण आज पहिलो दिन  जिल्लाभर रहेका १ सय ६१ बोर्डिङ स्कूलमा अध्ययनरत ६० हजार भन्दा बढि विद्यार्थीहरुको पठनपाठन प्रभावित भएको छ । वन्द सफल वनाउन र दवावको लागी शिक्षक संगठन इस्टुले विहान केन्द्रिय वस टर्मिनल भरतपुर देखि चौविसकोठी सम्म र्याली निकालेका छन् ।