भक्तपुर, ६ कार्तिक। भक्तपुरको ग्रामिण क्षेत्र पर्यटकीय गन्तव्य बन्दै गएपछि डिभिजन सडक कार्यालय भक्तपुरले यस वर्ष गाउँगाउँमा पर्यटकीय सडक विस्तार कार्यलाई तीव्र पारिएको छ। ग्रामिण क्षेत्रको विकासको मुख्य पूर्वाधार सडक भएको र त्यसमाथि पनि ग्रामिण क्षेत्र पर्यटकीय गन्तव्य बन्दै गएकाले पर्यटकीय सडक विस्तार एवम् निर्माणमा प्राथमिकता दिएर कार्य अगाडि बढाइएको कार्यालयका प्रमुख कर्णबहादुर रानाभाटले बताउनुभयो।
कार्यालयले पर्यटकीय गन्तव्य बनेको नगरकोटबाट साँखुखण्डको भट्टेडाँडा कात्तिकेसम्मको सडकखण्ड विस्तार कार्य सुरु गरेको छ। प्रत्येक वर्ष निरन्तररुपमा विस्तार गर्दै लैजाने यस सडकका लागि यस वर्ष रु.२३ लाख बजेट विनियोजन गरेको बताउँदै उहाँले सडक निर्माणसँगै यस क्षेत्रमा पर्यटकीय आगमन पनि बढ्दै गएको दाबी गर्नुभयो।त्यसैगरी धार्मिक पर्यटकीय गन्तव्य बन्दै गएको भक्तपुरको तेलकोटबाट छालिङ गाविसस्थित पाच महालक्ष्मी मन्दिर हुँदै काठमाडौँको साखु जोड्ने सडक निर्माण सम्पन्न गरी स्तरोन्नति गर्ने कार्य सुरु भएको छ।
पर्यटकीय सडककै रुपमा रहेको भक्तपुर सल्लाघारीबाट दरबार स्क्वायर जाने सडक विस्तार गर्ने र फुटपाथ निर्माण कार्य पनि अन्तिम चरणमा पुगेको छ।त्यस्तै विगि्रएर जीर्ण बनेको भक्तपुर कमलविनायक हुँदै नगरकोट जाने सडक निर्माण तिहारपछि सुरु हुने भएको छ। टेण्डरसमेत आह्वान गरेको यो सडकका लागि रु दुई करोड ५० लाखको बजेट विनियोजन गरिएको प्रमुख रानाभाटले बताउनुभयो। रासस
कोई टिप्पणी नहीं:
एक टिप्पणी भेजें