वैद्य पक्ष बैठकमै नगएपछि माओवादीद्वारा एकतर्फी निर्णय

काठमाडौं, कात्तिक १३ (नागरिक)- माओवादी स्थायी समिति बैठकमा उपाध्यक्ष मोहन वैद्य पक्षका कोही पनि नगएपछि माओवादीले लडाकु समायोजन प्रक्रिया अघि बढाउने एकतर्फी निर्णय गरेको छ। वैद्य पक्ष नआए पनि बहुमत सदस्यको निर्णयद्वारा यो काम अघि बढाइने प्रवक्ता दीनानाथ शर्माले जानकारी दिएका छन्। लडाकु समायोजन र शान्ति प्रक्रिया अघि बढाउने क्रममा निर्णय गरेरै जाने हिसावले यो बैठक डाकिएको थियो। तर वैद्य पक्ष नआएपछि माओवादी नेतृत्व एकल हिसावले अघि बढ्ने निष्कर्षमा पुगेको हो।

यसअघि आजै बिहान पनि माओवादी नेता कृष्णबहादुर महराको निवासमा उनकै मध्यस्थतामा दुई पक्षबीच वार्ता भएको थियो। तर वार्ताले कुनै निष्कर्ष भने निकालेन।