ललितपुर, कार्तिक ४ - चक्रपथको ग्वार्कोमा जुवा व्यवसायीले प्रहरी बिट सामुन्ने मेलाका नाममा लंगुरबुर्जा र पैसा थाप्ने रिङको खाल सञ्चालन गरेका छन् ।
जिल्ला प्रशासनको अनुगमन टोलीले छापा मारी बन्द गराएको मेला फेरि सञ्चालनमा आएको हो । सञ्चालकले 'मिनी उत्सव मेला' को नाममा सर्कस, जादूसहित लंगुरबुर्जा, पैसा थाप्ने रिङ लगायत जुवाजन्य खेल सञ्चालन गरेका हुन् ।
टहराभित्र नाचगान, लंगुरबुर्जा, सर्कस, जादू, पैसा थाप्ने रिङ तथा विभिन्न प्रकार जुवाका खाल सञ्चालन गरिएका छन् । तीजदेखि मेलाका नाममा सञ्चालित जुवाको खाललाई प्रशासन टोलीले दसैंको साताअघि बन्द गराएको थियो । तर, तिहार सुरु हुन लाग्दा व्यवसायीले फेरि पुरानै शैलीबाट मेलाका नाममा खाल चलाउन थालेका हुन् ।
ललितपुरका प्रमुख जिल्ला अधिकारी रत्नराज पाण्डेयले चाडबाडका बेला अनुमति लिएर उत्सव, मेला सञ्चालन गर्ने छुट रहेपछि अवैध कारोबार गर्न नपाइने बताए । 'अनुमति लिएर मेला सञ्चालन गर्न मिल्छ तर अवैध काम गर्न मिल्दैन,' उनले मंगलबार कान्तिपुरसित भने, 'यसबारे बुझ्न लगाएर अवैध क्रियाकलाप गरेको भेटिए बन्द गर्न लगाउँछु ।'
दसैंअघि अनुगमन गर्दा टोलीले झण्डै एक दर्जन स्टलबाट हजारांै च्याँखे थापेका नोटसहित सञ्चालकलाई पक्राउ गरेको थियो । घटनास्थल पुगेका ग्वार्को प्रहरीका असई राजनकुमार घिमिरेले कुनै गल्ती नगरेको भन्दै सञ्चालकलाई भगाएका थिए । त्यतिबेला पक्राउ परेका ६ कामदारलाई प्रहरीले जुवा ऐन अनुसार कारबाही गरेको थियो । केही दिनदेखि फेरि सञ्चालन हुन थालेको मेलामा प्रहरी नियमित आउजाउ गर्ने गरेको स्थानीय व्यवसायीहरूले बताए । मेला फेरि सञ्चालन हुनुका पछाडि प्रहरीको संरक्षण गरेको उनीहरूको आरोप छ । ग्वार्कोका व्यवसायी शुभरत्न महर्जनले मेला रोक्न पटक-पटक गुनासो गर्दासमेत प्रहरीले बेवास्ता गरेको आरोप लगाए ।
ललितपुर परिसरका एक प्रहरीका अनुसार मेलाबाट दैनिक एकदेखि डेढ लाख रुपैयाँसम्म संकलन हुन्थ्यो । यसबाट प्रहरीलाई समेत 'राम्रो लाभ' पुगेको उनले बताए । 'जुवाको खाल सञ्चालन गरेको आरोपमा पटक-पटक समातिएका मान्छे छुटेका छन्,' उनले भने ।
ललितपुर परिसरका प्रहरी उपरीक्षक भोगबहादुर थापाले चक्रपथ चोकमा सञ्चालित मेलाबारे अनभिज्ञता प्रकट गरे । 'मलाई अहिलेसम्म थाहा थिएन, तत्काल हेर्न पठाइहाल्छु' उनले भने, 'सिडियोसापको निर्देशनमा चार पटक कारबाही भइसक्यो, तैपनि टेर्दैनन् ।'
अनुमति लिएकाले मेला सञ्चालनमा रोक लगाउन नसकिएको उनले बताए । मेला सञ्चालकलाई प्रहरीको संरक्षण वा समर्थन नरहेको दाबी उनले गरे ।
जिल्ला प्रशासनको अनुगमन टोलीले छापा मारी बन्द गराएको मेला फेरि सञ्चालनमा आएको हो । सञ्चालकले 'मिनी उत्सव मेला' को नाममा सर्कस, जादूसहित लंगुरबुर्जा, पैसा थाप्ने रिङ लगायत जुवाजन्य खेल सञ्चालन गरेका हुन् ।
टहराभित्र नाचगान, लंगुरबुर्जा, सर्कस, जादू, पैसा थाप्ने रिङ तथा विभिन्न प्रकार जुवाका खाल सञ्चालन गरिएका छन् । तीजदेखि मेलाका नाममा सञ्चालित जुवाको खाललाई प्रशासन टोलीले दसैंको साताअघि बन्द गराएको थियो । तर, तिहार सुरु हुन लाग्दा व्यवसायीले फेरि पुरानै शैलीबाट मेलाका नाममा खाल चलाउन थालेका हुन् ।
ललितपुरका प्रमुख जिल्ला अधिकारी रत्नराज पाण्डेयले चाडबाडका बेला अनुमति लिएर उत्सव, मेला सञ्चालन गर्ने छुट रहेपछि अवैध कारोबार गर्न नपाइने बताए । 'अनुमति लिएर मेला सञ्चालन गर्न मिल्छ तर अवैध काम गर्न मिल्दैन,' उनले मंगलबार कान्तिपुरसित भने, 'यसबारे बुझ्न लगाएर अवैध क्रियाकलाप गरेको भेटिए बन्द गर्न लगाउँछु ।'
दसैंअघि अनुगमन गर्दा टोलीले झण्डै एक दर्जन स्टलबाट हजारांै च्याँखे थापेका नोटसहित सञ्चालकलाई पक्राउ गरेको थियो । घटनास्थल पुगेका ग्वार्को प्रहरीका असई राजनकुमार घिमिरेले कुनै गल्ती नगरेको भन्दै सञ्चालकलाई भगाएका थिए । त्यतिबेला पक्राउ परेका ६ कामदारलाई प्रहरीले जुवा ऐन अनुसार कारबाही गरेको थियो । केही दिनदेखि फेरि सञ्चालन हुन थालेको मेलामा प्रहरी नियमित आउजाउ गर्ने गरेको स्थानीय व्यवसायीहरूले बताए । मेला फेरि सञ्चालन हुनुका पछाडि प्रहरीको संरक्षण गरेको उनीहरूको आरोप छ । ग्वार्कोका व्यवसायी शुभरत्न महर्जनले मेला रोक्न पटक-पटक गुनासो गर्दासमेत प्रहरीले बेवास्ता गरेको आरोप लगाए ।
ललितपुर परिसरका एक प्रहरीका अनुसार मेलाबाट दैनिक एकदेखि डेढ लाख रुपैयाँसम्म संकलन हुन्थ्यो । यसबाट प्रहरीलाई समेत 'राम्रो लाभ' पुगेको उनले बताए । 'जुवाको खाल सञ्चालन गरेको आरोपमा पटक-पटक समातिएका मान्छे छुटेका छन्,' उनले भने ।
ललितपुर परिसरका प्रहरी उपरीक्षक भोगबहादुर थापाले चक्रपथ चोकमा सञ्चालित मेलाबारे अनभिज्ञता प्रकट गरे । 'मलाई अहिलेसम्म थाहा थिएन, तत्काल हेर्न पठाइहाल्छु' उनले भने, 'सिडियोसापको निर्देशनमा चार पटक कारबाही भइसक्यो, तैपनि टेर्दैनन् ।'
अनुमति लिएकाले मेला सञ्चालनमा रोक लगाउन नसकिएको उनले बताए । मेला सञ्चालकलाई प्रहरीको संरक्षण वा समर्थन नरहेको दाबी उनले गरे ।
कोई टिप्पणी नहीं:
एक टिप्पणी भेजें