सूर्यचन्द्र बस्नेत। नयाँ दिल्ली,४ कार्तिक। भारत भ्रमणमा रहनुभएका प्रधानमन्त्री डा. बाबुराम भट्टराई र भारतीय विदेश सचिवमन्त्री एसएम कृष्णाबीच शुक्रबार बिहान भेटवार्ता भएको छ। प्रधानमन्त्री भट्टराई रहनुभएको लीला प्यालेस होटलमा उहाँहरुबीच दुई मुलुकबीचको साझा चासोका विषयमा छलफल भएको भारतका लागि नेपाली कार्यवाहक राजदूत खगनाथ अधिकारी जानकारी दिनुभयो। यसअघि प्रधानमन्त्री डा भट्टराईसँग नेपाल पार्लियामेन्टरी फ्रेन्डसीप ग्रुपका अध्यक्ष जयप्रकाश अग्रवालले भेट गर्नुभएको थियो।
भेटमा नेपालको शान्ति प्रक्रियामा भारतले गर्न सक्ने सहयोगका विषयमा छलफल भएको प्रधानमन्त्री भट्टराईको ब्यक्तिगत वेवसाडट बाबुरामभट्टराई डट कमले जनाएको छ। यसका साथै कृष्णाले नेपालको शान्ति प्रक्रिया र संविधान निर्माणमा भारतले सक्दो सहयोग गर्ने प्रतिवद्धता व्यक्त गरेको बताइएको छ। उहाँले शुक्रबार नै भारतीय राष्ट्रपति प्रतिभा पाटिल र उपराष्ट्रपति मोहमद हमिद, अन्सारीसँग भेट गर्ने कार्यक्रम छ। त्यस्तै शुक्रबार अपरान्ह १२:४५ मा नेपाल र भारतका उद्योगहरुसँग भेट गर्ने कार्यक्रम छ।
प्रधानमन्त्री भट्टराईले शुक्रबार नै बेलकी साढे छ बजे भारतीय प्रधानमन्त्री मनमोहन सिंहसँग भेट गर्ने कार्यक्रम छ । हैदरवाद हाउसमा हुने भेटमा दुई पक्षिय हितका विषयमा छलफल हुने बताइएको छ। त्यस्तै शुक्रबार नै लगानी सुरक्षा सम्बन्धि सम्झौतामा हस्ताक्षर हुने सम्भावना पनि रहेको छ। यो लगत्तै प्रधानमन्त्री भट्टराई भारतीय समकक्षी सिंहले आयोजना गरेको विशेष रात्री भोजमा सहभागि हुने कार्यक्रम छ। रासस
कोई टिप्पणी नहीं:
एक टिप्पणी भेजें