कार्तिक ४,- हिमालयन हाईजेनिक स्न्याक्स एण्ड नुडल्स प्रालिद्वारा उत्पान गरिएको मायोज, रुची र साकालाका बुम लगायतका चाउचाउ उत्पादक कम्पनीलाई उत्पादनमा जिल्ला अनुगमन समिति रुपन्देहीले रोक लगाएको छ । सर्वसाधारणलाई प्रत्यक्ष असर पर्ने गरी कम्पनीले आफ्नो उत्पादन गरेका कारण प्रमुख जिल्ला अधिकारीको निर्देशनमा अनुगमन समितीले उद्योगको उत्पादनमा रोक लगाएको हो ।
रुपन्देहीको कमहरीया गाविस वडा नं ६ सेमरीमा रहेको कम्पनीले बजारमा बिक्री नभएर फिर्ता भएका ड्यामेज चाउचाउ र ताजा चाउचाउ एकै स्थानमा राखी प्याकीङ्ग गर्दै आएको अवस्थामा फेला पारी कारबाही प्रकृया अगाडी बढाएको हो ।
त्यसैगरी उत्पादन स्थल फोहर र गनाउने भएको खाद्य उद्योग अन्तरगत प्रकृया पुरा नगरी उत्पादन गरेकोले उत्पादन रोक्का गर्न निर्देशन दिएको क्षेत्रीय खाद्य प्रविधी तथा गुण नियन्त्रण कार्यालय भैरहवाका खाद्य निरीक्षक श्रवण कुमार ढुङ्गानाले जानकारी दिनु भयो ।
(डिसीनेपाल डटकम संवाददाता)
कोई टिप्पणी नहीं:
एक टिप्पणी भेजें