फ्रुटीमा नशालु पदार्थ मिसाई लठ्ठाएर लुटपाट

काठमाडौँ, कात्तिक १३ (नागरिक) - फ्रुटीमा नशालु पदार्थ मिसाई खान दिई लठ्ठाएर लुटपाट गरेको आरोपमा चारजनालाई महानगरीय प्रहरी वृत्त महाराजगंजका प्रहरीले पक्राउ गरेको छ। पक्राउ पर्नेहरुमा नुवाकोट जिल्ला थानापती- ९ बस्ने २२ वर्षीय सन्दिप परियार, २५ बर्षीया कविता परियार, नुवाकोट दुप्चेश्वरी-४ बस्ने ४८ बर्षीया सुनिता परियार र नुवाकोट भद्राटार- ४ बस्ने ४७ बर्षीया भवानी कडेल रहेका छन्। उनीहरुलाई प्रहरीले कात्तिक १२ गते साँझ ७  बजे काठमाडौँ महानगरपालिका-४ सुकेधाराबाट लुटेको घडी २ थान , मोवाइल ३ थान , सिमकार्ड ५ थान , विभिन्न व्यक्तिको नागरिकता ५ थान, ए.टि.एम कार्ड २ थान, सुनको जस्तो देखिने वाला १ थान, सुनको जस्तो औठी ६ थान, सुनको जस्तो सिक्री १ थान, सुनको जस्तो झुम्का १ जोर, चाँदीको जस्तो औठी ३ थान, आइफर १ थान, फिलिप्स लेखेको डेक १ थान, साउण्ड वक्स ५ थान , टि.भि.१ थान लगायत लठ्याउने औषधीहरुसहित पक्राउ गरेको हो।
उनीहरुले पवित्रा पाण्डे, भिम तामाङ्ग, शरण वलामी, अन्जना श्रेष्ठ र पुजा लामा नाम गरेका व्यक्तिहरुलाई फ्रुटीमा विषालु पदार्थ मिसाई खुवाई साथमा भएको धनमाल लुटपाट गरेको अनुसन्धानबाट खुल्न आएको प्रहरीले जनाएको छ।