ब्रिगेड ब्वाइज क्लब (बिबिसी) का गोलकिपरद्वारा आत्महत्या

काठमाडौं, कात्तिक १४ (नागरिक)- ब्रिगेड ब्वाइज क्लब (बिबिसी) का गोलकिपर सुमन रञ्जितकारको मृत्यु भएको छ।  महानगरीय प्रहरी आयुक्त कार्यालयका अनुसार ललितपुर नख्खु स्थायी घर भएका २६ वर्षे सुमनले शनिबार राति घरमै घाँटीमा पासो लगाएर आत्महत्या गरेका हुन्।
असारमा सकिएको ए डिभिजन लिगमा उनले बिबिसीबाट सबै १७ खेल परिवर्तनबिना खेलेका थिए। २०६४ मा सुमनले च्यासल युवा क्लबलाई 'सी' बाट 'बी' डिभिजनमा उकालेका थिए। बिबिसी जानुअघि उनी सामसुङ जावलाखेल युथ क्लबमा आबद्ध थिए।