हैदरावाद, कार्तिक ६ - प्रधानमन्त्री डा बाबुराम भट्टराई आफ्नो चार दिने औपचारिक भारत भ्रमणको अन्तिम दिन आइतवार उत्तराखण्ड पुगेका छन् ।
हैदरावादस्थित विभिन्न उद्योग प्रतिष्ठानको अवलोकन गर्ने कार्यक्रमअनुसार आइतवार बिहान एयर इण्डियाको विशेष विमानबाट हरिद्वार विमानस्थल पुग्दा उनलाई भारतको पर्यटन तथा उखु विकासमन्त्री आलोक जैनले हार्दिक स्वागत गरेका थिए ।
उनलाई उत्तराखण्डका मुख्य सचिव, उद्योग सचिवलगायतका विशिष्ट व्यक्तिहरुले पनि सो अवसरमा स्वागत गरेका थिए ।
विमानस्थलबाट करिब एक घन्टा टाढा रहेको उत्तराखण्डको औद्योगिक विकासक्षेत्रमा रहेको विभिन्न उद्योगको प्रधानमन्त्री डा भट्टराईले अवलोकन गरेका छन् ।
उनले मध्याह्न उत्तराखण्डका गभर्नर श्रीमती मार्गरेट अल्मासँग भेटवार्ता गर्नुका साथै उनको सम्मानमा आयोजना हुने दिवा भोजमा सहभागी हुनेछन् ।
प्रधानमन्त्री डा भट्टराई आज अपराह्न ४:०० बजे स्वदेश फर्कने कार्यक्रम छ ।
–सूर्यचन्द्र बस्नेत/रासस
कोई टिप्पणी नहीं:
एक टिप्पणी भेजें