भट्टराई र भारतीय कम्युनिस्ट पार्टीका महासचिव एबीबिच भेटवार्ता

कार्तिक ४,भारत भ्रमणमा रहेका प्रधानमन्त्री बाबुराम भट्टराई र भारतीय कम्युनिस्ट पार्टीका महासचिव एबी बर्धनबीच नयाँ दिल्लीस्थित लीला होटलमा भेटवार्ता भएको छ। भेटका अवसरमा महासचिव बर्धनले नेपालको शान्ति प्रक्रिया र संविधान लेखनका कामका सम्बन्धमा चासो व्यक्त गरेका थिए।
त्यस अवसरमा प्रधानमन्त्री भट्टराईले नेपालमा राजनीतिक सहमति जुटाएर सहमतिका आधारमा अघि बढ्ने जानकारी गराएका थिए। उनीरुबीच वामपन्थी आन्दोलनका अनुभव आदानप्रदान गर्ने विषयमा पनि कुराकानी भएको छ।भेटपछि महासचिव बर्धनले नेपालमा राजतन्त्रको अन्त्यपछि लोकतन्त्रको संस्थागत विकास तथा शान्ति र संविधान निर्माणप्रति आफूहरुको ऐक्यबद्धता रहेको भन्दै नेपालको आर्थिक विकासका लागि पनि सहयोगी बन्ने बताए।
पत्रकारहरुसँग कुरा गर्दै अर्थमन्त्री वर्षमान पुनले भेट सौहार्दपूर्ण वातावरणमा भएको जानकारी दिँदै नेपाल र भारतबीच जनता र सरकारीस्तरमा हुने छलफलका विषयमा पनि कुराकानी भएको बताए।भेटमा उपप्रधानमन्त्री तथा परराष्ट्रमन्त्री नारायणकाजी श्रेष्ठ, अर्थमन्त्री पुन, प्रधानमन्त्री पत्‍नी हिसिलायमीलगायत सहभागी थिए।

(डिसीनेपाल डटकम संवाददाता)