काठमाडौँ, १३ कार्तिक। अर्थ मन्त्रालयले भ्याट छली गर्ने फर्महरुको नाम सार्वजनिक गरेको छ। मन्त्रालयले फ्रिडम फोरमलाई दिएको सुची अनुसार भ्याट छल्नेमा नाम चलेका उद्यमी र तिनले सञ्चालन गरेका उद्योग रहेका छन्। सार्वजनिक गरिएका नामहरुमा अरुण इन्टरकन्टिनेन्टल, सिजी इलेक्ट्रोनिक्स, सिजी इम्पेक्स, सिजी फुड्स, बामा मोटर्स, छन्। यी सवै कम्पनीहरु सभासद चौधरी एवं उनका परिवारले सञ्चालन गरेका छन्।
भ्याट छलि गर्नेमा उद्यमी तथा सभासद समेत रहेका विनोद चौधरीको परिवारले सञ्चालन गरेका कम्पनीहरु धेरै रहेकोमा यसअघि नै शंका गरिदै आएको थियो। झलनाथ खनाल नेतृत्वको सरकारको वेलामा अर्थमन्त्री भरतमोहन अधिकारीले एमाले कोटावाटै सभासद वनेका चौधरी तथा उनका कम्पनीलाई चोख्याउन प्रयास गरेका कारण अधिकारीको सार्वजनिक रुपमै आलोचना भएको थियो। चौधरीसँगै मिलेर अधिकारीले सुचि सार्वजनिक गरेनन् मात्र भ्याट छल्नेलाई कार्वाही गर्न आलटाल समेत गरेका थिए।
हिम इलेक्ट्रोनिक्स, मोरङ अटो वर्क्स, जगदम्बा स्टिल, वरुण डेभलपर्स लगायत्ले पनि भ्याट छली गरेको अर्थ मन्त्रालयले सार्वजनिक गरेको सुचिमा रहेको छ। हिम इलेक्ट्रोनिक्स गोल्छा समुहको कम्पनी हो। वरुण डेभलपर्स प्प्सी उत्पादन गर्ने कम्पनीद्धारा प्रवर्दसत कम्पनी हो।
यसैगरी भ्याट छली गर्नेमा भाटभटेनी डिपार्टमेन्ट, मारुती सिमेन्ट, दुगड ब्रदर्स एण्ड सन्स, दुगड अटोक्लिनिक प्रा. लि. लगायत् छन्। सार्वजनिक गरिएको सूचीअनुसार नेपालका नाम चलेका प्राय: सबै उद्योगले भ्याट छली गरेको पाइएको छ।
अर्थ सचिव कृष्णहरि बास्कोटाले फ्रिडम फोरमलाई यस्ता नामहरुको सूची हस्तान्तरण गरेका हुन। जसमध्ये छानबिन पूर्ण भइसकेको ३५० वटा फर्मको एउटा सूची छ भने अर्को सूचीमा छानबिन सुरु गरिएकाको नाम उल्लेख छ। तर उद्योगपतिको नाम र छली गरेको रकम भने उल्लेख छैन।
‘झूटा एवं नक्कली मूल्य अभिवृद्धि कर बिजकबाट भएको कर छली सम्बन्धमा अध्ययन तथा छानबिन प्रतिवेदन २०६७’ मा ३ सय ८५ ओटा र्फमले दर्इ अर्बभन्दा बढी राजस्व छलेको उल्लेख छ। तर, नक्कली भ्याट बिल र कागजातमार्फ कुन-कुन र्फमले कति-कति रुपैयाँ राजस्व छले र ती र्फमका सञ्चालक को-को हुन्, सोको विवरण भने मन्त्रालयले दिएको छैन। नक्कली कागजात पेस गरेर सरकारी ढुकुटीबाट रकम लिने र्फमको हकमा भने त्यसरी लिइएको रकमसमेत खुलाइएको छ । ४ करोड रुपैयाँभन्दा माथिको स्थानीय खरिद भएका राजस्व छलीमा संलग्न करदाताको नामावली पनि मन्त्रालयले दिएको छैन। कर छली प्रकरणमा छानबिनको दायरामा तानिएका र्फमको कुल संख्या ४ सय ३७ छ । २० फागुन २०६७ मा तयार भइसकेको प्रतिवेदनमा प्रतिष्ठित भनिएका ठूला व्यापारिक घरानासम्बद्ध ३५ ओटा र्फममाथि छानबिन सुरु गरिएको उल्लेख छ ।
ती र्फमहरूमा सीजी इलेक्ट्रोनिक्स प्रालि, सीजी इम्पेक्स प्रालि, सीजी फुड्स प्रालि, बीएम इन्टरप्राइजेज-त्रिपुरेश्वर, युनाइटेड डिस्टि्रब्युर्टस-पुतलीसडक -विशाल) छन् ।
यस्तै, एसोसिएटेड अटोमोबाइल्स प्रालि-काठमाडौं, हिमालयन इन्टरप्राइजेज-काठमाडौं, एआईटी प्रालि-काठमाडौं, अरुण इन्टरकन्टिनेन्टल ट्रेर्डस-काठमाडौं, हि्वल्स अटो प्रालि-ललितपुर, र्सूय अटोमोबाइल्स प्रालि-ललितपुर, ज्योति ओभरसिज ट्रेर्डस-त्रिपुरेश्वर, शक्ति कमर्सियल इन्टरप्राइजेज-काठमाडौं, विश्वकर्मा सिमेन्ट प्रालि-नवलपरासी (त्रिवेणी), बामा मोर्टस प्रालि-कमलादी छन्। त्यसैगरी, सीजीजीसी चमेलिया, प्रोजेक्ट डिपार्टमेन्ट अफ नेपाल, बरुण डेभलपर्स प्रालि, मारुती सिमेन्ट प्रालि र रसुवा कन्स्ट्रक्सन कम्पनी प्रालि (पूर्वमन्त्री रामकृष्ण आचार्य) पनि राजस्व छली प्रकरणमा छानबिनमा परेका छन्।
छानबिनको दायरामा परेका अरू र्फममा राजेश स्यानिटरी वेयर, सीटीर्सर्इ/कालिका जेभी, श्री दुगड ब्रर्दर्स एन्ड सन्स (टीएम दुगड ग्रुप), श्री दुगड अटो क्लिनिक प्रालि (टीएम दुगड ग्रुप), चन्दनबाला इन्टरनेसनल -टीएम दुगड ग्रुप), गुराँस इन्जिनियरिङ प्रालि (टीएम दुगड ग्रुप), एम ट्रेड हाउस, उष्मा ट्रेर्डस र निष्ठा ट्रेर्डस छन्। नक्कली बिलको आधारमा सरकारी ढुकुटीबाट पैसा लिने कम्पनीमा सरिता इन्टरप्राइजेज, सरिता इन्टरनेसनल बिजिनेस प्रालि, आशुतोष इम्पेक्स प्रालि, शिवशक्ति इम्पेक्स प्रालि, दिगम्बर ट्रेड हाउस, दिगम्बर ट्रेड इन्टरनेसनल र भीमेश्वर ट्रेड हाउस छन्। यी कम्पनीहरूले कुनै वस्तु निर्यात नै नगरी निर्यातको नक्कली कागजात तयार गरेर ८९ करोड ३ लाख ९५ हजार ५ सय ३४ रुपैयाँ राज्यको ढुकुटीबाट भ्याट फिर्ताको नाममा रकम लिई ठगी गरेका थिए।
रकम लिनेमध्ये सरिता इन्टरप्राइजेजले ३ करोड ८७ लाख, ७७ हजार ८ सय १५, सरिता इन्टन्टरनेसनल बिजिनेसले ४ करोड ८ लाख ७६ हजार ८ सय ७६, आशुतोष इम्पेक्सले १३ करोड २४ लाख ८३ हजार ९ सय ७, शिवशक्ति इम्पेक्सले १३ करोड ३ लाख ८४ हजार ५ सय ६९ रुपैयाँ राज्यको ढुकुटीबाट लिएका छन् । यस्तै, दिगम्बर ट्रेड हाउसले ८ करोड ६६ लाख ४६ हजार १ सय ७६, दिगम्बर ट्रेड इन्टरनेसनलले ३५ करोड ७ लाख ८५ हजार ४ सय ५३ र भीमेश्वर ट्रेड हाउसले ११ करोड ४ लाख ४० हजार ७ सय ३८ रुपैयाँ ठगी गरेको प्रतिवेदनमा उल्लेख छ।
त्यस्तै, विभागले गर्ग डेन्टल सप्लायर्स प्रालि, गर्ग इम्पेक्स, डेन्टमार्ट इन्टरनेसनल प्रालि, बायोमेड इन्टरनेसनल प्रालि, इस्टलिंक मोर्टस प्रालि, पायोनियर अटो डेकोर प्यालेस, न्यु विकास ट्रेर्डस, रिद्धि सिद्धि इन्टरप्राइजेज, बुद्ध पिया चुलो उद्योग र अटो इन प्रालिमाथि सम्बन्धित कर कार्यालयलाई छानबिन गर्न लगाएको प्रतिवेदनमा उल्लेख छ। र अर्थ मन्त्रालयले आयकर ऐन, २०५८ को दफा ८४ र मूल्य अभिवृद्धि कर ऐन, २०५२ को दफा ३७ को हवाला दिँदै सो प्रतिवेदन र्सार्वजनिक गर्न आनाकानी गर्दै आएको थियो र अर्थले यसअघि संसदीय समितिको आदेशलाई समेत टेरेको थिएन । राष्ट्रिय सूचना आयोगले १५ दिनभित्र सो विवरण उपलब्ध गराउन आदेश दिएपछि अर्थ-सचिव कृष्णहरि बाँस्कोटाले आयोगले आदेश जारी गरेको १४औं दिन आंशिक रूपमा प्रतिवेदन दिएका हुन् ।ठूला करदाताले चोरी-पैठारीका वस्तुको आन्तरिक ओसारपसार, त्यस्ता वस्तुको संस्थागत क्षेत्रमा गरिने आपूर्ति र न्यून बिजकीकरण गरी आयातीत वस्तु बजारमूल्यमा आपूर्ति गर्नुपर्दा झूटा र नक्कली बिलबिजक प्रयोग गरेको प्रतिवेदनमा उल्लेख छ। प्रतिवेदनअनुसार कर छलीमा संलग्न ३ सय ८० ओटा र्फमको कारोबारस्थल नै छैन भने २० ओटा र्फमले मात्रै ३ अर्ब २५ करोड रुपैयाँभन्दा बढीको फर्जी बिल जारी गरेका थिए।
प्रतिवेदनअनुसार झूटा तथा नक्कली बिजक जारी गर्ने र्फमहरूमा विपिन इन्टरप्राइजेज, अंकुश ट्रेर्डस, राकेश फैन्सी स्टोर्स, जे.अ. सप्लायर्स, नाथ इम्पेक्स, विनायक आयल स्टोर बारा, वर्ण्रल आयल स्टोर रौतहट, गणपति सःमिल/टिम्बर, टिम्बर किंग्स, त्रिशक्ति फयुल सेन्टर ललितपुर, कोइराला ट्रेर्डस (एम रानी जनरल स्टोर्स एन्ड सप्लायर्स), कन्चन सप्लायर्स ट्रेर्डस, डब्लू इन्टरप्राइजेज रहेका छन्। यसैगरी, न्यू आरबी इम्पेक्स, बीएम इन्टरप्राइजेज, जगदम्बा ट्रेडिङ कर्न्र्सन, बिना फर्निसिङ, पानास्वानिक सेन्टर, एएस हार्डवेयर, शान्ति ट्रेडिङ सेन्टर, भोला निर्माण सेवा, विष्णुलीला इन्टरप्राइजेज, बिकेस इन्टरप्राइजेज, किरण इन्टरप्राइजेज र तपस्या ट्रेर्डसले नक्कली भ्याट बिल जारी गरेका छन्।यस्तै, गहवामाई सप्लायर्स, पर्वत ट्रेर्डस, लोप्साङ इन्टरप्राइजेज, श्री जीजी सप्लायर्स, राज इम्पेक्स, मन्नु इन्टरप्राइजेज, सुमन ट्रेडिङ, राकेश फेन्सी स्टोर्स, गुराँस कपडा पसल, सुभासिष ट्रेड सेन्टर, गीताञ्जली सप्लायर्स ट्रेडिङ, चन्द्र क्राफ्ट फर्निचर, न्यू समी इन्टरप्राइजेज, न्यू सविता इन्टरप्राइजेज, भृकुटी तोफु म्यानुफयाक्चरी, विश्वकर्मा इम्पेक्स, रुद्रशंकर सप्लायर्स, त्रिनेत्र इन्टरप्राइजेज, न्यू आरबी ट्रेर्डस, दीपज्योति सप्लायर्स, न्यू जयनेपाल जनरल सप्लायर्स, न्यू महाकाली इन्टरप्राइजेज, प|न्ड्स इन्टरनेसनल प्रालि, शिवराम सप्लायर्स, न्यू गुडविल इन्टरप्राइजेजले नक्कली भ्याट बिल जारी गरेको पाइएको प्रतिवेदनमा उल्लेख छ।
यसैगरी, माता मनकामना इन्टरप्राइजेज, एसी हार्डवेयर कर्न्र्सन, कुवेर सप्लायर्स, शिभम अटो वर्कसप प्रालि, र्राई जनरल सप्लायर्स, यूजे सप्लायर्स, गुरु गोरखनाथ इन्टरनेसनल, गमला ट्रेर्डस, रीना इन्टरनेसनल प्रालि, पशुपति प्लाई हार्डवेयर ट्रेर्डस, जलजला इन्टरनेसनल, दक्षिणकाली आयल स्टोर्स, सृष्टि टे्रड कर्न्र्सन, तातोपानी एक्सपोर्ट इम्पोर्ट, पशुपति कर्न्र्सन, न्यू टिभी प्यालेस, कोसी ट्रेड कर्न्र्सन, न्यू काठमाडौं ट्रेर्डस, बीए इन्टरनेसनल, रुचि सप्लायर्स, रूपा इन्टरप्राइजेजलगायत ४ सय ३७ र्फमको नामावली प्रतिवेदनमा समावेश छ।
आन्तरिक राजस्व विभागले नक्कली भ्याट बिलमार्फ भएको कर छलीको छानबिन गर्न गत वर्षो ८ पुसमा विभागका उपमहानिर्देशक लक्ष्मण अर्यालको संयोजकत्वमा ६ सदस्यीय कार्यदल गठन गरेको थियो। सो कार्यदललाई छानबिनका लागि दुई महिनाको समय दिइएको थियो। सूचना आयोगले भ्याट छल्नेहरुको नाम सार्वजनिक गर्न निर्देशन दिएपछि मन्त्रालयले सुचि सार्वजनिक गरेको हो। यसअघि पटकपटक नाम सार्वजनिक गर्न मन्त्रालयले आलटाल गर्दै आएको थियो। फ्रिडम फोरमले सूचनाको हकसम्बन्धी ऐनका आधारमा यस्ता नाम सार्वजनिक गर्न माग गर्दै आयोगमा निवेदन दिएको थियो।
कोई टिप्पणी नहीं:
एक टिप्पणी भेजें