इनरुवा, कार्तिक १३ - उपप्रधान एव गृह मन्त्री विजयकुमार गच्छदारले नेपाली सेनामा मधेशीको सामूहिक भर्ना अभियान अन्तर्गत भर्ना प्रक्रिया चाँडै सुरु हुने बताएका छन् ।
वर्तमान सरकार गठन हुनुपुर्व माओवादी र मधेशी मोर्चाबीच भएको चारबुँदे सहमति अनुरुप मधेशी युवाहरुलाइ नेपाली सेनामा भर्ना गर्ने प्रक्रिया चाँडै सुरु गर्न लागिएको उनले बताए ।
सुनसरीको हरिनगरामा स्थानीय जनताद्वारा नव निर्मित इलाका प्रहरी कार्यालय भवनको आइतबार उदघाटन गर्दै रक्षा मन्त्रीको समेत कार्यभार सम्हालेका गच्छदारले सहमति अनुसार १० हजार मधेशी युवालाइ एकै पटक भर्ना गर्न साधन स्रोतको अभाव हुने भएकोले मधेशी युवाहरु बीचमा प्रतिस्पर्धा गराइ प्रारम्भमा एकदेखी दुइ हजारको बीचमा नेपाली सेनामा मधेशी युवाहरुलाई भर्ना गर्न लागिएको जानकारी दिए ।
गृहमन्त्री गच्छदारले ४२ हजार जनशक्ति र अन्य साधन स्रोतको अभाव रहे पनि नेपाल प्रहरीलाइ शान्ति सुरक्षाको स्थिति बनाइराख्न आवश्यक निर्देशन दिइएको बताउँदै इमान्दारी पूर्वक काम गर्नेलाई मुलुकमा अप्ठयारोमा पार्ने गरिएको गुनासो गरे ।
फरक प्रसंगमा गच्छदारले विकासको काममा राजनीति नगरे १५ वर्षमा नेपाललाई सिंगापुर बनाउन सक्ने दावी गरे ।
कोई टिप्पणी नहीं:
एक टिप्पणी भेजें