दुर्घट्नामा दुईको मृत्यु

सर्लाही, कार्तिक ६ - सर्लाही खण्डमा पर्ने पूर्व–पश्चिम राजमार्गको कर्मैयामा शनिबार साँझ भएको दुर्घटनामा परि गम्भीर घाइते भएका दुईजनाको उपचारको क्रममा राती मृत्यु भएको छ ।
पश्चिमबाट पूर्वतर्फ जाँदै गरेको ज१प ३१२४ नम्बरको मोटरसाइकल विपरित दिसावाट आएको ना४ख ३७१७ नम्बरको बससंग ठोक्कीएर दुर्घटना भएको थियो ।
गम्भीर घाइते भएका मोटरसाइकलमा सवार मूर्तिया गाबिस–८ का मौजेधोवी बैठा र राजकुमार श्रेष्ठको उपचारका क्रममा वीरगंजमा मृत्यु भएको जिल्ला ट्राफिक प्रहरी कार्यालयले जनाएको छ । ठक्कर दिने बस र चालकलाई प्रहरीले नियन्त्रणमा लिएको छ ।