बोक्सीको आरोप लगाउँदै एक दम्पतीलाई कुटपिट

कार्तिक १४- खानीगाउँ गाविसमा बोक्सीको आरोप लगाउँदै दलित दम्पतीलाई कुटपिट गरी पाता कस्नेलाई प्रहरीले पक्राउ गरेको छ । बोक्साबोक्सीको आरोप लगाउँदै खानीगाउँ गाविस-८ किटिनीका दलित साधुराम विक दम्पतीलाई निर्घात कुटपिट गरी पाता कस्ने सोही ठाउँका तीनजनालाई प्रहरीले पक्राउ गरी हिरासतमा राखेको हो । 
कुटपिट गर्नेहरू सोही स्थानका दीपक थापा मगर, केशव थापा मगर र गुणबहादुर थापा मगरलाई पक्राउ गरी कारबाहीको प्रक्रिया अगाडि बढाइएको जिल्ला प्रहरी कार्यालय नुवाकोटले जनाएको छ । आफूहरूलाई कुटपिट गरी पाता कसेर शारीरिक र मानसिक यातना दिई गाउँमा दुव्र्यवहार गरेका कारण साधुरामले प्रहरी कार्यालयमा तीनैजनाविरुद्ध किटानी उजुरी दिएका छन् ।