पूर्वसांसदकी बुहारी अठार वर्षदेखि दुईवटा सरकारी जागिर खाँदै

दैलेख, ६ कार्तिक। दैलेखको विसल्ला गाविस वडा नं ४ भुवाखाडाकी रेखा शाहीले विगत १८ वर्षदेखि दुईवटा सरकारी जागिर खाँदै आएको रहस्य खुलेको छ। तत्कालीन दैलेख निर्वाचन क्षेत्र नं २ का प्रतिनिधिसभा सदस्य रङ्गबहादुर शाहीले आफ्नो पदिय प्रभावमा आफ्नी बुहारी रेखालाई २०५२ पुस २२ मा प्राथमिक विद्यालय शिक्षिका र त्यसको एक महिनामै हुलाक प्रतिनिधि बहिदार पदमा जागिर दिलाइएको विषयमा प्रशासनमा उजुरी परेपछि सो कुरा खुलेको हो ।
गाउँकै जन प्राथमिक विद्यालयको प्रधानाध्यापक र विसल्ला गाविस अतिरिक्त हुलाकको बहिदार तहको पदमा कार्यरत रहेको खुल्न आएपनि हुलाकको नियमावली निर्देशिकाले बन्देज नलगाएका कारण कारबाही गर्न नसकिएको निमित्त जिल्ला हुलाक अधिकृतले बताउनुभयो।