चौध जना जुवाडे पक्राउ

काठमाडौँ, १३ कार्तिक। जुवातास खेलिरहेको अवस्थामा प्रहरीले पुरानो बानेश्वरस्थित सुनिता लामाको घरबाट गएराति १४ जनालाई पक्राउ गरेको छ। चाडवाडको समयमा धेरैजसो जुवातास खेलेर समाजमा विकृति फैलाएको भन्दै उनीहरुलाई रु एक लाख ६५ हजार ४८० र चार थान तास बुकसहित महानगरीय प्रहरी परिसर हनुमानढोकाले पक्राउ गरेको हो।
पक्राउ पर्नेमा आङछिरिङ लामा, कमल विक, इमानिसंह लामा, तेजकुमार लामा, भक्त बराइली, खड्कबहादुर सुनुवार, अशोककुमार जइन, ज्ञानबहादुर लामा, भीमबहादुर तामाङ, मानबहादुर घिसिङ, रामप्रसाद उप्रेती, हर्कबहादुर लामा, सुनिता लामा र दावा लामा रहेको प्रहरीले जनाएको छ। रासस