बेपत्ता महिलाको चार दिन पछि शव फेला

परासी, कार्तिक ३ - चार दिन देखि बेपत्ता भएकी यहाँकी एक महिला मृत अवस्थामा फेला परेकी छिन् ।  सुकौली   ५ मा घर भएकी बस्ने ३५ बर्षीया मिरा कुर्मिको शव सुकौली ४ घिनहामा बिहीबार बिहान महिला मृत अवस्था भेटिएको हो । 
गत २९ गते आइतबार राति देखि बेपत्ता भएकी महिलाको शव स्थानीय पोखरीमा झारपातले ढाकिएको अवस्थामा बिहान फेला परेको हो । केही स्थानीयबासीहरुले पोखरी तिर घुम्न गएको बेला शव देखेर गाउँमा हल्ला गरे पछि पोखरीबाट शव ल्याइएको स्थानीयबासीले जनाएका छन् ।  महिलाको हत्या गरिएको वा आफैं मरेको भन्ने बारेमा अहिलेसम्म केही खुलेको छैन । 
यता नवलपरासी प्रहरीले भने घटनाका संलग्न भएको आशंकामा छानबिनका लागि मृत महिलाको २ जना देवर र ससुरालाई नियन्त्रणमा लिएको स्थानीयबासी अनिल यादवले बताएका छन् ।